San Gimignano （2）

San Gimignano嘅另一特點係，好多好嘢食！！！
好嘢榜第一位，係世界一雪糕。
呢間係自稱世界一嘅，同行者買咗嚟試，大讚好好食。。。

呢度有多種唔同口味嘅雪糕，同行者一致認為，藏紅花雪糕最好味。

跟住去下一間。

呢間唔係自稱，佢真係攞過世界一㗎。

唔知係咪日本旅遊書大力推介，呢度好多日本遊客。

呢間嘅特色係，勁勁勁多新奇口味，果味重嘅，creamy嘅，帶酒香嘅，帶香草味嘅，純味嘅。。。甚至係將以上混合嘅都有，亦有啲用本地特產整嘅味，例如橄欖味。。。

同行者食後感：最好味係迷迭香士多啤梨味，同埋一隻混合咗本地酒，香橙，同餅乾嘅味道（唔記得個名）。

不過世界一還世界一，竟然全部人都覺得第一間好食啲！，亦有啲用本地特產整嘅味，例如橄欖味。。。

可見口味呢家嘢，真係好個人。
我家王子响呢個古城進入咗迷失狀態，佢竟然一個早上食咗9球雪糕！！

想唔想又食又拎？San Gimignano有好多土特產店，芝士，風腸，乾貨，pesto，油類等等，好好行，好多嘢睇。

部分仲可以試食，味道真係唔錯㗎。