我的網誌清單

2016年4月2日星期六

雪菜筍絲米粉

早兩個星期,大超市嘅芥蘭頭大減價,真好,又係整假雪菜嘅好時機。
去到,發覺有幾十公斤嘅芥蘭頭葉可以攞,幾十公斤喎!我無本事食得晒啦,幾公斤都ok嘅。
返到屋企,立即將佢哋洗乾淨,加入幾湯匙幼鹽揉揉,等幾個小時見葉軟化,就可以入膠袋封好。
夏天醃雪菜我會放雪櫃,趁著室外仲係好凍,我索性放室外就算啦。
時光飛逝,兩星期過去,打開膠袋檢查時,發現已經出現雪菜嘅味,便拿出其中一包整雪菜筍絲。
雪菜用清水洗5-6次,將鹽份洗走,榨乾水,切碎,白鑊用中火炒一會至乾身。


加入多一點嘅油,蒜蓉,辣椒碎,唔食得辣可以唔加,炒香。


加入蠔油同糖,炒一炒,加入大半杯水,加蓋,炆至菜葉夠腍。


筍絲沖幾次水。
加入筍絲,生抽同少少老抽,炒一炒。


試味,煮多一陣就完成。


今日想食素,冇落肉絲,係食雪菜筍絲米粉,加杯咖啡就搞掂。


22 則留言:

  1. 妳話嘅芥蘭頭喺咪香港叫嘅芥蘭花?
    我地從來無見過佢嘅葉,進口前已全部剪哂,
    可以物盡其用幾好,又唔使錢,
    咁都俾妳諗到用法♡♡

    回覆刪除
    回覆
    1. 我唔知芥蘭花係乜呀,芥蘭頭係圓圓嘅,頭頂有啲綠葉生出嚟
      我哋買唔到靚嘅雪菜,所以如果想食,就一定要自己整囉,而且仲唔使錢添

      刪除
    2. sorry
      香港喺叫西蘭花先啱!
      我寫錯咗...

      刪除
    3. 唔係西蘭花,完全唔似添,google吓會清楚啲,香港有賣㗎

      刪除
  2. 講開筍絲,我喜歡台灣某牌子的,真係好好送飯和送麵……
    再講,朋友家後園的竹樹林長了很多春筍,我又不知怎樣處理,是否將竹筍斬出來,然後去衣切片就可以呢?
    識整就不會浪費!

    回覆刪除
    回覆
    1. 我諗你係講油浸竹筍呀。。。
      係呀,要响清晨時分掘啲竹筍出來,去咗外皮只要個心,清炒,涼拌,或者用嚟炆都好食

      刪除
  3. 我醃咗一小樽雪菜,跟你煮呢個都好.

    回覆刪除
  4. 原來要洗五六次。。。我用你十倍的鹽,但用前只沖一沖。。。。不過每次都只用少量,做的菜裡又不會再落任何咸的調味,省好多功夫!哈哈 XD

    回覆刪除
    回覆
    1. 我怕煮出來會好咸,所以次次都洗多幾次㗎

      刪除
  5. 幾十斤真係好多, 用一年都可能未食完. ;p

    回覆刪除
  6. 如果我買到菜葉,我都會整雪菜。自己整,真係好好食。

    回覆刪除
  7. 我通常用芥菜嚟醃雪菜

    回覆刪除
    回覆
    1. 我哋芥菜係超級貴嘢,所以我未買過。。。

      刪除