我的網誌清單

2016年4月6日星期三

慶生餅

王子年年慶生,都要帶慶生餅返公司同同事慶祝。
年年都係我整,今年年頭我一早同佢講,今年你自己整啦,俾啲誠意啦,你啲同事個個都係自己整㗎。

佢初頭都話好。。。。
直到潛完水返嚟,佢就改口風, 話未諗到整乜蛋糕好,不如我幫下手。。。
幫下手??!!好似想搵我笨喎。。。

果然,最後有人縮沙,要求我整晒,其實我都估到佢係咁,皆因佢哋同事次次帶蛋糕去開心share之前個晚,放工要趕頭趕命去買材料,返屋企又要即刻開工,做到翻天覆地,無覺好瞓。

以往我都係同其他同事一樣,做點簡單嘅蛋糕,今年我決定勤力啲,做啲複雜一點,麻煩一點嘅慶生餅。


春末夏初,我哋嘅莓類生果突然多起來,所以今次嘅主題係雜莓。

左邊既係雜莓朱古力千層蛋糕,個filling係紅莓,忌廉芝士,加忌廉打成的,右邊嘅係雜果撻,除咗呢度,另外仲有一個蛋糕同四件雜果撻冇入鏡,主要係俾自己屋企食。

呢批慶生餅要分兩天完成,個朱古力千層蛋糕需要雪十幾小時先食,所以前一晚一定要做好,雜果撻剛剛相反,要新鮮即日整先好食,所以前一晚只可入模,到了第二天早上才焗和冷凍,所以第二天所有慶生餅做好後,我還要去送貨,重到不得了呢。

雖然工序頗多,不過用嘅時間又不算很多,總共5小時左右吧。

同事們嘛,見到當然好高興啦,尤其係個雜莓朱古力千層蛋糕,因為咁多手工而呢度人工咁貴,外面係無得賣嘅,有好幾個同事,還打算將佢老翻一次呢。

24 則留言:

  1. Happy Birthday to your prince. Well done. The prince must be very proud of you. I would love to have a taste of the cake too.

    回覆刪除
  2. 王子真係生日快樂!祝福埋王子和你身體健康!生活幸福快樂!

    回覆刪除
  3. 王子生日快樂!蛋糕真係好靚。

    回覆刪除
  4. 王子生日快樂!
    整到咁靚, 出年都一定要你出手

    回覆刪除
    回覆
    1. 多謝你嘅祝福!
      我覺得除非我交唔到功課,無論品質係點,佢都係叫我出手囉

      刪除
  5. 王子生日快樂!
    咁靚一定好搶手.

    回覆刪除
    回覆
    1. 多謝你嘅祝福!
      係呀,王子話啲同事好鍾意,因為呢兩樣嘢一樣外面無得賣,一樣就賣得好貴,不過佢哋好老實唔客氣㗎,每逢有免費嘢都狂食

      刪除
  6. 祝王子生日快樂,今年你令他有哂面子啦。

    回覆刪除
    回覆
    1. 多謝你嘅祝福!
      佢話其實只要我有功課交,佢已經好開心啦

      刪除
  7. 祝王子生日快樂!
    我認為你可以接受其他人的生日訂購,這個千層餅真的在外面很難買到呢!

    回覆刪除
    回覆
    1. 多謝你嘅祝福!
      實情係我唔多鍾意整蛋糕同甜品㗎,唔係太享受個過程。。。

      刪除
  8. 王子, Happy Birthday and many happy returns of the day !!

    回覆刪除
  9. 祝王子生日快樂,款款都整得好靚呀

    回覆刪除
  10. 王子生日快樂! 王子係咪好proud of his wife 呢?

    回覆刪除
    回覆
    1. 多謝你嘅祝福!
      我諗有少少嘅,只係有啲意外,我突然間咁勤力。。。

      刪除
  11. 你係在外國出生?是移民?幾耐先習慣自家製?

    你真係好叻~~~

    回覆刪除
    回覆
    1. 其實係响外國讀書再定居,所以唔會覺得難,反而係時間,如果要返工又忙,就好難樣樣自家製lu

      刪除