奪冠。放煙花

終於奪冠！自從一球定江山之後，屋企外面係全城放煙花、狂歡、汽車響號。
賽事開始前2小時，外面已經靜英英冇哂人！
奪冠之後，啲人放足兩個小時煙花呀。

 不過我覺得賽事不算精彩，冇乜心機睇。王子持相反意見，覺得兩隊實力接近，賽事緊凑，德國奪冠帶有強烈好運成份。

碰巧這星期有多處地方攪煙花節，過往一星期我在家中已經看了5次煙花！真高興！

今日靜下來才發現，原來我的生活在過往一個月都被世界盃包圍住。
商場展覽係世界盃、文具店掛滿國旗同世界盃產品、超市廣告又係世界盃、零食飲品用哂世界盃包裝、汽車插哂國旗、住戶將國旗掛在屋外、商户紛紛派發世界盃贈品。。。

 收音機、電視日日講，小朋友日日踢足球，個個幻想自己係球星。

大人之間話題都係足球，每逢賽事前就大手買入薯片啤酒。

話哂都係德國統一後首次奪得世界盃，今日見街上情況，睇怕個熱潮仲有一段時間呢！