麻醬拌蕃茄牛油果

上周末太太太熱啦，太陽又曬到好似蛋都煎得熟咁。
出唔到街，超怕外出會被曬乾，咁响屋企食啦。
是日除咗有自製台式香腸古同早味高麗菜飯，仲有麻醬拌蕃茄牛油果。

呢種麻醬拌XX係我家最近老是常出現嘅菜式。
之前拌咗一次菠菜拼牛油果，天氣熱，王子覺得咁食好fresh。
尤其是牛油果，creamy加上麻醬嘅香，比拌菠菜好吃。
如果你鐘意食腸粉上面嘅麻醬，呢個應該會啱你口味。

麻醬拌蕃茄牛油果


食譜:

材料﹕
大蕃茄1隻
大牛油果1個


調味:
沙律醬2湯匙
麻醬1湯匙
花生醬1湯匙
醋2湯匙
日本豉油1湯匙
鰹魚粉1/3茶匙
糖1茶匙
水少許

預先將蕃茄及牛油果雪凍，
混和沙律醬、麻醬、花生醬、鰹魚粉及糖，
拌入豉油，混和，
拌入醋，混和，拌入少許水至合適稀杰程度，試味，
蕃茄及牛油果切件，淋上麻醬。