雙色椰菜卷

上星期响超市家庭同樂日買咗兩大個椰菜，一白一紫。
咁啱屋企有免治豬肉，趁天氣仲涼涼地，最好整椰菜卷啦。
今次用嘅係圓椰菜，冇咁易包，想易包最好買扁身果隻大椰菜。
因為用咗紫椰菜，湯色好靚。

今次冇用月季葉，用咗刁草做香草，仲加咗薯塊去吸湯嘅精華。
用咗咁多椰菜，呢個湯頭好鮮味架，一路煮，香味便從廚房滲出來，瀰漫全屋，攪到王子囉囉孿，成日問我食得未。。。

椰菜卷食譜在此。
提提你，椰菜係「矢氣聖手」，後果自負呀！