摩洛哥燒雞脾配椰絲飯

噚晚德國大敗巴西，連我同王子兩個完全唔睇波嘅人都知。
點解？因為呢度啲人每逢入球都響咹同吹號角，噚晚咁短時間內吹得咁密，我拿拿淋check分數，竟然係3比零，再過一陣5比零，王子竟然唔信，話冇可能網頁一定有錯，拿拿淋double check另一個網頁，真架！王子呆咗幾秒，仲係有啲接受唔到。。。
跟住外面開始燒煙花放砲仗，完場時7比1，外面嘈到超誇張呀。
我真係有段時候，驚巴西發生球迷暴動架。。。

趁超市雞脾大減價，入咗啲。
呢排鐘意用摩洛哥香料，今日用黎醃足1日再焗到塊皮脆卜卜。

雞皮本身無益，焗到脆卜卜先食好似無益得黎又抵咗咁。
配椰絲飯仲有沙律。
雞脾裡面好多汁，用雞汁撈椰絲飯食係我鐘意嘅呢。