葱拌碎三文魚飯

上網學到嘢，上網更加使到錢！
上網留意到A貨梁九記呢期頂級三文魚大減價，梗係去掃掃先安樂。
天氣熱熱熱，最好食葱拌碎三文魚飯，買咗1條魚柳670g，整二人前葱拌碎三文魚飯。
將洋葱浸水15分鐘，切粒。
魚柳洗淨吸乾水，切條再切粒，加入洋葱粒刴到你喜歡嘅程度，鋪在已調味壽司飯上已經可以。
唔用洋葱可以用青葱呢。
一人一大碗，食到反艇呀！

剛巧前幾日响亞超見到加洲種日本米大減價，平日覺得好貴冇買過。
減咗價就捨得買啦，剛好用黎整壽司飯！