鰹魚淺漬甘荀青瓜

某日興致勃勃，想煮餐豐富晚餐。
真係好彩，又碰見法國鷄減價，再整無骨海南雞。

天氣又熱番，由十幾度剷上三十度，咁熱，連食餐飯都會食到流哂汗架。
食海南雞飯就一滴汗都冇，爽呀！

唔好食咁飽呀，因為仲焗咗芝士蛋糕做甜品。
雪到凍一凍先食，配凍啡！

唔知你有冇見過佢呢？佢叫gherkin，主要用黎醃酸黃瓜。
我未試過當沙律咁食，又試試先。

今日整咗個鰹魚淺漬甘荀青瓜，伴海南雞食。
呢排熱辣辣，又係漬物、涼拌出場時，但時時用醋好單調架。
所以今次用鰹魚漬，再雪到凍一凍先食，甚有日本食堂風味！

鰹魚淺漬甘荀青瓜


食譜:

材料﹕
甘荀片200g
青瓜片400g
蒜泥1湯匙


調味:
鰹魚粉1.5茶匙
麻油2-3湯匙
鹽1/4茶匙



混和所有調味及蒜泥，
拌入甘荀片及青瓜片，試味，
入雪櫃待1小時，再試味。