蘋果肉桂麵包布甸

我鐘意食茶餐廳嘅蛋治，有時會特登去買條方包返黎，整俾自己食。
蛋治凍奶茶，夏天一樂也。
不過呢度買方包，係要一大條咁買，一定食唔哂。
整完蛋治，再整花生醬西多，都係有剩。
咁啱屋企有盒蘋果茸，咁整蘋果肉桂麵包布甸啦。

為咗測試王子嘅嗅覺同對甜品嘅靈敏度，我特登唔話佢知。
果然係甜品人，佢食完飯入廚房攞冰茶飲，立即聞到蘋果甜品味，佢仲以為係幻覺。。。
一知有得食，開心到飛起。

我仲整咗雲呢拿汁俾佢伴食，德國人特別鐘意雲呢拿汁，食甜品好多時都加上去呢。