我的網誌清單

2014年7月18日星期五

蘋果肉桂麵包布甸

我鐘意食茶餐廳嘅蛋治,有時會特登去買條方包返黎,整俾自己食。
蛋治凍奶茶,夏天一樂也。
不過呢度買方包,係要一大條咁買,一定食唔哂。
整完蛋治,再整花生醬西多,都係有剩。
咁啱屋企有盒蘋果茸,咁整蘋果肉桂麵包布甸啦。


為咗測試王子嘅嗅覺同對甜品嘅靈敏度,我特登唔話佢知。
果然係甜品人,佢食完飯入廚房攞冰茶飲,立即聞到蘋果甜品味,佢仲以為係幻覺。。。
一知有得食,開心到飛起。

我仲整咗雲呢拿汁俾佢伴食,德國人特別鐘意雲呢拿汁,食甜品好多時都加上去呢。

12 則留言:

  1. 我會買半磅方包,不過食方包又好齋咁,要諗埋配咩fillings,所以都好少食。

    回覆刪除
  2. 我食過喇, 個雲尼拿汁好甜嘅, 我會淨食個甜品, 唔加任何醬汁呀.

    回覆刪除
    回覆
    1. 我都唔食架,不過王子鐘意,我就整俾佢食囉

      刪除
  3. 一大條方包我會一半放冰格,慢慢食.

    回覆刪除
  4. 你們早餐不吃方包嗎? 我家3個人, 3天就吃完一條

    回覆刪除
  5. 我鐘意食麵包布甸都係為咗個雲哩嗱汁架. 方包我一買番屋企就即入冰格, 可以放耐啲又保鮮, 我最怕麵包放外面多兩日後就會開始變stale好難食.

    回覆刪除
    回覆
    1. 咁你同王子真係一樣啦!
      王子唔食方包,我冇乜機會買架。

      刪除