我的網誌清單

2014年7月20日星期日

自製台式香腸

呢個台式香腸係我最近比較花時間做嘅一道菜。


台式香腸有很多不同口味,我今次整辣味。
我今次有2.3kg肉。先準備醃料:豉油150ml、紹興酒200ml、蒜茸2湯匙、1湯匙、糖5-6湯匙、五香粉1湯匙、白胡椒粉1/2湯匙、黑椒碎1湯匙、乾辣椒碎片2-3湯匙拌勺試味。


製香腸不能用太瘦嘅肉,會鞋架,要有啲肥先得。
最好用豬後腿肉黎整,會比較爽口同有肉汁。


跟住要將豬肉切成4-5mm小粒,如果肉佬部碎肉機有呢個功能,可以叫佢代勞。
拌勺醃料同豬肉,放入雪櫃1日1夜。


跟住洗一洗啲腸衣、灌腸。
用針拮下啲腸,等裡面啲空氣走出黎。


再在通風處吹1-2日,如果怕有烏蠅,可以用紗網包一包。


吹了8小時風,香腸已經乾了不少,顏色也深了。


因為日間天氣熱,我將佢放入雪櫃1日1夜讓雪櫃抽乾水
第二日,香腸更乾了,顏色更深了,香氣亦滲出來了。
王子看着這香腸,很期待試食,不斷跟我說:這才是真香腸呢!


完成風乾程序,慢火煎熟,配上小青瓜同蒜粒同吃。
肉汁在口腔大爆發呢!!


小青瓜是鄰居推薦我在土超買嘅,激似日本温室青瓜,暫時係呢度食過最好嘅青瓜,有下次!

20 則留言:

  1. 嘩,連腸仔都識整,真係要封你做偶像了!
    「再在通風處吹1-2日,如果怕有烏蠅,可以用紗網包一包。」
    為何不放入焗爐,烘焙至半熟,順便烘乾?

    回覆刪除
    回覆
    1. 時間對煮食好重要呢,呢種半風乾式嘅腸仔一定要俾時間抽乾水,個肉味先會轉化,啲肉一熟呢個過程就會停
      其實專業嘅可以用機風乾,快啲但係要用好多電

      刪除
  2. 回覆
    1. 真係呀,仲要有耐性,不過可以分幾日做,每次時間唔長,咁就冇殺人feel囉

      刪除
  3. 回覆
    1. 個肉好真實,同埋可以整到街買唔到嘅口味

      刪除
  4. 哈哈,我還以為要等秋風起呢?
    再,如果想做臘腸用這方法得嗎?

    回覆刪除
    回覆
    1. 其實最好有秋風架,整出黎最好食!
      做臘腸係類似方法,但係醃料唔同,吹嘅時間長好多,同埋天氣好緊要,因為易發霉呀。
      我小時候秋天,屋企花園會吊住一堆臘腸、臘鴨、臘肉同臘鷄架

      刪除
  5. 我o係blog見人用烘乾生果片o既機烘腸仔架.

    回覆刪除
    回覆
    1. 係可以架,仲有專業風乾機,千幾歐一部,快一半以上,但係依然要用好多電呢
      我其中一條家規係環保節能,都係用番自然風啦

      刪除
  6. 勁!
    但天氣熱,這樣風乾生肉,不會變壞嗎?

    回覆刪除
    回覆
    1. 天氣太熱最好唔好啦,我响晚間趁涼時風乾架,早上未開始熱我就放入雪櫃乾。
      同埋生肉醃過會多咗層天然防腐劑咁,不過如果天氣熱又想整,可以直接入雪櫃乾都可以。

      刪除
  7. 回覆
    1. 去肉佬度買架,買得多可以網購

      刪除
  8. 回覆
    1. 哈哈,為食嘛,我地買唔到台式香腸架

      刪除
  9. 嘩真係好惦!整得勁靚, 非常吸引!

    回覆刪除
    回覆
    1. 多謝讚賞!我以後會多自製架!

      刪除
  10. 風乾腸仔咁鬼香, 烏蠅一定飛湧而來, 趕極都唔走嘅, 所以我煮食時, 好怕佢地飛入黎呀.

    回覆刪除
    回覆
    1. 我屋企又ok喎,你有冇用烏蠅貼?

      刪除