自製台式香腸

呢個台式香腸係我最近比較花時間做嘅一道菜。

台式香腸有很多不同口味，我今次整辣味。
我今次有2.3kg肉。先準備醃料：豉油150ml、紹興酒200ml、蒜茸2湯匙、鹽1湯匙、糖5-6湯匙、五香粉1湯匙、白胡椒粉1/2湯匙、黑椒碎1湯匙、乾辣椒碎片2-3湯匙，拌勺試味。

製香腸不能用太瘦嘅肉，會鞋架，要有啲肥先得。
最好用豬後腿肉黎整，會比較爽口同有肉汁。

跟住要將豬肉切成4-5mm小粒，如果肉佬部碎肉機有呢個功能，可以叫佢代勞。
拌勺醃料同豬肉，放入雪櫃1日1夜。

跟住洗一洗啲腸衣、灌腸。
用針拮下啲腸，等裡面啲空氣走出黎。

再在通風處吹1-2日，如果怕有烏蠅，可以用紗網包一包。

吹了8小時風，香腸已經乾了不少，顏色也深了。

因為日間天氣熱，我將佢放入雪櫃1日1夜讓雪櫃抽乾水。
第二日，香腸更乾了，顏色更深了，香氣亦滲出來了。
王子看着這香腸，很期待試食，不斷跟我說：這才是真香腸呢！

完成風乾程序，慢火煎熟，配上小青瓜同蒜粒同吃。
肉汁在口腔大爆發呢！！

小青瓜是鄰居推薦我在土超買嘅，激似日本温室青瓜，暫時係呢度食過最好嘅青瓜，有下次！