糯米雞

糯米雞係我大愛，無奈王子唔鐘荷葉陣味，我只會整俾自己食。
久唔久我會整一次，一次過整多啲，可以留啲响冰格慢慢食，做一人前午餐。
600g糯米大約可以整到4隻糯米雞。
糯米洗淨浸水6小時以上，拌入鹽(600g糯米約1茶匙鹽)，再蒸熟或者用電飯煲煮熟，至於要加幾多水煮糯米，就要視乎隻糯米有幾硬啦，一般係蓋過米面至米面半cm水左右，糯米唔使煮至跳掣，收水就可以熄掣再焗5分鐘完就可以。

至於個餡就好個人啦，曾經看過一篇文章，說糯米雞是源自隔夜餸，為免浪費，酒樓會用汁煮下啲隔夜餸再包成糯米雞。
冬菇、蝦米、木耳、粟米芯、火腿、雞件、蟹柳、銀杏、滑子菇.....喜歡乜就落乜啦。
個汁都係蒜茸 、海鮮醬、蠔油、生抽、老抽、麻油同水煮成，試味，再用生粉水打芡。
因為糯米只有少少咸味，個汁要略重味呢。

荷葉用熱水煮一煮至軟身，視乎荷葉大小再剪成2-3塊。

如果你鐘意，可以在荷葉上掃少少油先包，不過我冇。
一 層糯米，一 層餸。

一 層汁。

再一 層糯米。

兩面對摺再捲起，隔水蒸20分鐘便成。

加一杯茶，便是我喜愛的午餐了！