我的網誌清單

2014年7月9日星期三

摩洛哥燒雞脾配椰絲飯

噚晚德國大敗巴西,連我同王子兩個完全唔睇波嘅人都知。
點解?因為呢度啲人每逢入球都響咹同吹號角,噚晚咁短時間內吹得咁密,我拿拿淋check分數,竟然係3比零,再過一陣5比零,王子竟然唔信,話冇可能網頁一定有錯,拿拿淋double check另一個網頁,真架!王子呆咗幾秒,仲係有啲接受唔到。。。
跟住外面開始燒煙花放砲仗,完場時7比1,外面嘈到超誇張呀。
我真係有段時候,驚巴西發生球迷暴動架。。。

趁超市雞脾大減價,入咗啲。
呢排鐘意用摩洛哥香料,今日用黎醃足1日再焗到塊皮脆卜卜。

雞皮本身無益,焗到脆卜卜先食好似無益得黎又抵咗咁。
配椰絲飯仲有沙律。
雞脾裡面好多汁,用雞汁撈椰絲飯食係我鐘意嘅呢。

22 則留言:

  1. 我都係睇左下半埸, 睇到7-0先開始睇, 我同某人講, 尋晚博彩公司(外圍佬)贏哂

    回覆刪除
    回覆
    1. 個賽果真係o哂嘴,睇報紙啲巴西人喊得好淒厲呀

      刪除
  2. 我就唔明白你住在德國,為何會驚巴西發生球迷暴動?

    回覆刪除
    回覆
    1. 因為我怕見流血事件囉,尤其啲樂極生悲、無無謂謂果啲,好似當年蘭桂坊事件咁

      刪除
  3. 我諗巴西都要學你整雞肶食,愛嚟補下對腳,嘻嘻.....

    回覆刪除
    回覆
    1. 我諗佢哋要補下個心先,應該好傷呀

      刪除
  4. 尋晚頭個半個鐘,德國入球好似開機關槍咁架。

    回覆刪除
    回覆
    1. 係呀,不過我諗:唔知佢哋下半埸有冇特登放水,唔好去到咁盡呢?!

      刪除
  5. 噚日睇都唔係好信幾分鐘又入一球.

    回覆刪除
    回覆
    1. 幾分鐘又入一球果下,出面狂吹號角,王子都唔信咁快呀

      刪除
  6. 真係唔係好信, 7:1, 好似打假波

    回覆刪除
    回覆
    1. 最搞笑啲巴西球員話解釋唔到點解輸成咁,自己落場踢都唔知?!

      刪除
  7. 覺得好假,今次世界杯真係.....唉,好彩昨晚荷蘭阿根廷有啲睇頭

    回覆刪除
    回覆
    1. 我哋度相反呀,啲評論員話荷蘭對阿根廷場波悶,話兩隊表現唔出水準呀

      刪除
  8. 7:1 真係好離譜呀, 噚日人人都講緊, 連我囝囝班小學同學都好熱烈談論呀.

    回覆刪除
    回覆
    1. 我哋覆天蓋地咁報導,今日就狂講星期日果場

      刪除
  9. 見到7:1真係嚇死, 未見過咁多入球!
    椰絲飯即係純加椰絲入飯?

    回覆刪除
    回覆
    1. 報導話係有史以來呢round有個咁嘅賽果情,難怪巴西人咁難過。
      椰絲飯:白鑊炒椰絲至微黃,迫出香味後加鹽及適量水煮飯,如果想再香啲可以用椰奶代替部份水煮飯,不過要小心火,加咗椰奶會易燶啲架

      刪除
  10. 巴西世紀大敗:-(:-(
    我都唔睇波都知!
    我至like炸雞連皮食,
    超好味

    回覆刪除
    回覆
    1. 我都係,完全唔睇波都知!
      脆卜卜雞皮真係好食,雖然無益,但係唔食好嘥呀

      刪除
  11. 果日慶祝完奶奶生日,趕返屋企睇,入球多到離哂譜,替巴西傷心呀。
    星期日對阿根廷爭冠,緊張呀!

    回覆刪除
    回覆
    1. 依家全國咁大期望,啲球員應該好大壓力呀

      刪除