我的網誌清單

2014年8月24日星期日

執垃圾

跟很多西方國家一樣,我度嘅本地人很愛執垃圾。
我們每户每年只容許丟兩次大型垃圾,要再丟大型垃圾便要收費。
丟大型垃圾之前要先通知相關部門,等佢回覆確定收垃圾日子。
本地人亦很有共識,收垃圾日子前1-2天便會把垃圾搬出街外,讓鄰居看看是否合用。


有些人甚至會預先在門前貼上清單,列明他們將要丟嘅垃圾。
王子是執垃圾嘅狂熱份子,從6歲起已經開始執垃圾生涯,佢執嘅第一件垃圾係滑板車,據說有天他放學回家,路上碰上一堆大型垃圾,當中有佢心儀嘅滑板車,但有點損毀,於是決定帶回家叫老爺教佢修理。
這件玩具陪了他好幾年呢。


幾乎行過嘅人都會去睇下有乜啱用,或者零件、木材等等可以拆出來循環再用。
在我拍照的時候,某工作中嘅速遞員快手地拿走了一個鼓呢。


其實也有些專業公司每天駕着車,周圍收集呢啲垃圾,回去再修理一下,再賣去二手店。


20 則留言:

  1. 我地呢個區D人多數會放上網賣左先, 好少就咁扔出街

    回覆刪除
    回覆
    1. 我地仲流行網上送嘢俾人,亦會有人主動出post,問人有冇某樣嘢可以送俾佢,例如我最近見過有個阿媽問人有冇唔要嘅dollhouse,佢個女好想要但新嘅又太貴.......

      刪除
  2. 我呢度呢啲垃圾可以賣㗎,一是賣去二手店或救世軍,另一的便逢週六在車房裡賣,只要在local paper 賣段 garage sale 廣告,到時就有大把人睇,有時都會執到寶㗎,好似我就分三次買了三把很貴(百多至二百多紐元一把)的專業廚刀,而且仲好新淨的,你估我用了多少錢,記得係不是五元就是六元。

    回覆刪除
    回覆
    1. 我地有人賣亦有人送,如果賣都會好平,真係會執到寶㗎,我地連屋都有人送俾你.......

      刪除
  3. 夠環保!我地都會把有用的貼上 ''pls take '' 給人自取。

    回覆刪除
    回覆
    1. 呢度啲人都興架,早幾個月我有個鄰居丟了幾百件兒童玩具、書、衣物俾人自取。

      刪除
  4. 我呢度要自己拎去垃圾站架.

    回覆刪除
    回覆
    1. 我地冇得咁做,越傷害環境嘅垃圾就越難丟,我諗冇咁方便啲人會諗清楚啲先丟啩

      刪除
  5. 我已前鍾意上網post, 會有人嚟拿, 方便又環保, 有時會以物易物 :)

    回覆刪除
    回覆
    1. 係呀,咁樣會快d清咗件垃圾,仲有人黎收。
      我家王子都like以物易物架

      刪除
  6. 其實咁樣好好, 又環保又唔洗浪費, 可惜香港高樓大廈好難做到, 仲隨時比人告阻街tim(=.=)

    回覆刪除
    回覆
    1. 我諗香港捐去慈善機構會方便啲呀

      刪除
  7. 我這裡叫 karang guni,專收唔需要嘅野,修理之後再次拿出去賣, 環保

    回覆刪除
  8. 這些所謂垃圾, 其實可能是另一家庭的寶!

    回覆刪除
    回覆
    1. 就是呀,可能我想要的,正是鄰居不要的!

      刪除
  9. 呢堆垃圾仲好新淨, 似搬屋啊!

    回覆刪除
    回覆
    1. 唔係呀,問過屋主,係垃圾呀。
      呢堆唔算新淨啦,算比較差,平時啲企理啲新淨啲架

      刪除