自製麻辣油

自製醬料中，最容易整嘅係辣椒油。
自己整，唔怕地溝油，亦唔怕化學嘢，仲可以選最健康嘅油黎整。
味道同香味亦由你控制呢！

我今次整麻辣油，用咗辣椒乾、花椒同黑芝麻去整。
配料方面好自主，花生、豆豉、蝦米......喜歡就得。
我今次整原味 ，有些人會加啲鹽、糖、鷄粉去調味。

辣椒乾用機打碎，用白鑊炒香，黑芝麻也是用白鑊炒香，放入大碗內。
用大碗油炒香花椒，取出花椒，把熱油倒入大碗再拌勻，放涼入樽。
剛做好嘅麻辣油比較淺色。

數天後深色很多呢！