靑口湯浸時蔬

仲有一包靑口，想食清清地，用浸嘅方法煮最好啦。

菠菜當造，又平又好食。
做了麻醬拌菠菜，味道做濃啲，當餸食。

仲有靑口湯浸時蔬，用咗芥蘭頭同蕃茄浸。 
冇藍青口可以用大蜆、貴妃蚌，冇芥蘭頭可以用勝瓜。

加咗蕃茄浸個湯更鮮味，還有一個令個湯多啲層次感嘅材料，是冬菜喔。
冇冬菜，用大頭菜都可以架。

靑口湯浸時蔬


材料﹕ 
靑口1kg
芥蘭頭1個切片
蕃茄2個切件
冬菜1湯匙
水/上湯適量


調味:
胡椒粉1/4茶匙
紹興酒1/4杯


 
靑口洗淨，鍋內加入靑口及紹興酒，加蓋用大火煮靑口至開口 ，
取出靑口，保留湯，
加入冬菜及芥蘭頭，加蓋煮3分鐘，加入胡椒粉及蕃茄煮3分鐘，
試味，隨口味可加水/上湯及鹽，加入靑口拌勺。