自家製冰梅醬

之前買黃梅，較實淨嘅用咗黎醃咸水梅，較熟嘅用黎製冰梅醬。

整冰梅醬有啲似整果醬，薑約8片磨茸，紅辣椒適量磨碎，1.5kg黃梅洗淨，加入鍋內，加入少許水及200g糖，用中小火開始煮，過程間要久不久攪拌，免得底部燒焦，等到滾起，繼續用小火煮。

煮到冰梅醬濃稠，天然的果膠釋放出來以後，試味後，就可以趁熱裝到乾淨玻璃樽裡，擰實後倒轉，等1分鐘再倒轉，待涼。

冰梅醬嘅糖份越低越易壞，一定要放陰涼地方，甚至雪櫃架。