潘朵拉的盒子

真相，係咪人人想知呢？

故事開始於兩個長相一模一樣，但互不相識嘅人。。。
讀書時代偶然會去同學家玩，偶然又會碰上她的姑姑。
姑姑性格似吳君如，說話似機關槍，勁率直，鐘意作弄人。
某天在地鐵車箱碰上姑姑，立即上前打招呼。
姑姑微笑說：〝小姐，你認錯人啦。〞
姑姑唔微笑架，只會大笑、狂笑同傻笑！立即覺得佢作弄我。
〝姑姑，你分明玩我啦，上星期咪見過你囉。。。〞
 姑姑眼神極堅定，又微笑說：〝小姐，你真係認錯人啦。〞
但係呢個姑姑舉止優雅，眼神温柔，說話温婉，係周慧敏喎。
我開始驚。。。出冷汗。。。


再去同學家，告訴了同學嘅媽媽。
伯母神情凝重，原來同學爺爺年青時風流，外頭有另一頭家。
因為爺爺經常到外地，所以咁多年，冇人知佢真係去咗外地，定其實還在香港嘅另一角。
原來是有另一頭家嘅存在。
直到一段日子前，有人跟我一樣，在街上碰到假姑姑，非常吃驚，幾個大人忍不住，追問爺爺生前好友，才知原由，但是這好友，其實知嘅亦唔多，只是估計，假姑姑一家曾經移民多年，後來再回流。
我是第二個見到假姑姑嘅人，而且「相處」時間長，佢地幾個大人不斷追問我。。。
我看着那幾個成年人，好像碰上「潘朵拉的盒子」一樣，想把它打開，但又害怕。


如果係你，有天在街上碰到跟自己長相一模一樣嘅人，你會想揾出真相嗎？
定係，當唔知，當見唔到？