決定試整啲新口味。
做了韓式紫菜芝麻辣醬鷄。
仲有香草焗時蔬。
本來仲有老火湯，王子見到呢兩樣餸，立即申請唔飲湯，要專注食餸。
王子覺得韓式紫菜芝麻辣醬鷄好好食，竟然提我一定要寫食譜，分享分享。。。
韓式紫菜芝麻辣醬鷄
材料﹕
鷄脾5隻切半
紫菜1塊
芝麻3湯匙
調味:
韓式辣醬1-2湯匙
麵豉醬2湯匙
紹興酒1湯匙
蒜茸1湯匙
薑茸1/2湯匙
茄汁2湯匙
生抽1湯匙
麻油1湯匙
老抽2/3湯匙
糖2湯匙
鹽1/2湯匙
將所有調味拌勺，試味，
加入鷄脾，與調味拌勺入雪櫃醃4小時以上，
焗爐200度，中層焗30-40分鐘，或至全熟，
紫菜煎成絲，加入芝麻，易潔鑊內不加油用中火炒香，
鷄脾出爐後等5分鐘，碟底鋪上一層紫菜芝麻，再鋪上一層鷄，再鋪上一層紫菜芝麻。。。
用咗好多調味料,一定好好味.
回覆刪除好香口，我鐘意d紫菜芝麻
刪除王子識貨
回覆刪除即刻唔飲湯
刪除一定要寫食譜分享>>> 王子識睇?
回覆刪除唔係，佢話嘅呢個值得同blog讀者分享喎
刪除申請唔飲湯！ 哈哈！ 比張 voucher 佢， 下次換來飲！
回覆刪除哈哈！ 佢已經即時將張 voucher 轉贈俾我啦
刪除我老公又係見到有餸佢喜歡, 又係吾飲湯架. :p
回覆刪除係咪即係佢地最唔鐘意係湯呢？！
刪除我老公真係吾好湯架, 有好多時都係迫佢先飲. >.<
刪除咁多, 兩個人食唔食得哂？
回覆刪除加埋pack lunch啱啱好，今次鷄脾唔算大隻呀
刪除好羡慕妳個度啲食材咁平，
回覆刪除仲要大減價，平到笑，
炸雞我都好like
妳搬好屋末呀 ? ?
喺咪仲住喺史圖加特 ?
係呀，我依家覺得香港物價好高架
刪除我未搬好屋呀，仲裝修緊，依然住喺史圖加特呀
正呀!韓式辣醬醃嘅雞真係好好味，
回覆刪除而且你仲用咗咁多調味，一定勁好味啦!
係呀，用韓式辣醬香呀，而且顏色靚
刪除我鐘意d紫菜芝麻呀
我係見到好餸就會申請唔食飯！
回覆刪除如果冇湯，王子都會申請減飯架
刪除辣醬雞好吸引 , 我都想食呀
回覆刪除你屋企有冇買焗爐？
刪除雞腿焗得好靚，多謝王子分享！
回覆刪除Thank you, Luca媽
刪除韓辣醬，正！煮餸好拍擋。
回覆刪除惹味架
刪除