我的網誌清單

2016年4月1日星期五

魚手指

印象中小時候,我有幾樣嘢係好鐘意食嘅,一係粟米湯,二係魚手指,三係莎莉蛋糕。
小時候我不太愛吃魚,尤其係淡水魚,總覺得有泥味又腥。
但係魚手指就唔同啦,炸嘅,脆嘅,完全無魚腥味。
幸好,後來慢慢地開始鍾意食魚。


突然間,好想食魚手指,來個魚手指套餐吧!
天氣暖咗兩日,啲沙律菜長得高咗,咁又要修剪下用嚟做沙律啦。
炸到脆一脆嘅魚手指真係堅好食,雖然包裝話可以焗,但係我試過幾次,焗係完全唔好食嘅,又唔脆又唔香,唔炸嘅話,我寧願唔食啦。

23 則留言:

  1. 回覆
    1. 我試過幾次用唔同牌子去焗,都係唔好食囉

      刪除
  2. 魚手指只係食過一, 兩次咋

    回覆刪除
  3. 你的口味跟的一樣,呢三樣都係我至愛。記得細時成日去新世界酒店下面間餐廳食 fish fingers,那些魚是真的魚柳,好好食。

    回覆刪除
    回覆
    1. 餐廳自己整嘅魚手指我真係未食過,但係就久不久去食餐廳自己整嘅吉列魚柳+沙律

      刪除
  4. 有冇試過手指魚burger? 上次個牌子出食譜, 手指魚當漢堡, 好似麥當當魚柳包咁呢~

    回覆刪除
    回覆
    1. 有啊,呢個正呀,唔係講笑,真係勁似麥當當魚柳包

      刪除
  5. 完全無魚腥味手指魚我都食架.

    回覆刪除
    回覆
    1. 炸完之後,真係好似麥當當塊魚柳,好味喎

      刪除
  6. 這三樣都喺我章年回憶,
    當年人氣食品♡♡
    好耐無食過,....地門, 雀目牌,莎莉
    哩三個品牌仲有喺度,感恩!

    回覆刪除
    回覆
    1. 係呀,呢三個品牌好勁呀,屹立不倒,而且一諗起呢三樣食品,佢哋嘅名就會自然彈出,真係好成功

      刪除
  7. 以前快特鮮魚手指、薯仔蛋很受香港家庭歡迎!

    回覆刪除
    回覆
    1. 呢兩樣我反而唔識喎,魚手指我淨係識雀目牌咋

      刪除
  8. 我女兒教我一個懶人方法,是她初中的同學話俾佢知,她說放落多士爐烘就可以了!

    回覆刪除
    回覆
    1. 多士爐同焗爐同一原理嘛,我就係試過幾個品牌,用來焗,唔好食嘅

      刪除
  9. 魚手指同沙莉蛋糕都係我兒時最愛,細個的時候,冰箱仲會有存貨,魚手指炸係最好味呢,我一定仲要沾沙律醬一齊食架

    回覆刪除
    回覆
    1. 我同你一樣,魚手指要沾沙律醬,沙莉蛋糕就要雪凍嚟食

      刪除
  10. 我細個都係鐘意呢三樣嘢, 不過魚手指好少有得食, 炸嘢屋企好少有.

    回覆刪除
    回覆
    1. 魚手指我都唔係成日有得食,因為我記得,佢係貴貴哋㗎

      刪除
  11. 一係粟米湯,二係魚手指,三係莎莉蛋糕===>仲有雪糕蛋糕和茄汁焗豆都鍾意^^

    回覆刪除
    回覆
    1. 雪糕蛋糕我超鍾意呀,反而茄汁焗豆就麻麻

      刪除