我的網誌清單

2016年8月25日星期四

寧靜小屋

某些時候,貓貓會表現出有壓力,會顯得好心緒不寧。
三色貓都試過係咁,好明顯,係安靜唔到落嚟,或者係突然覺得無安全感,周圍匿埋。
於是,睇完有關研究同資料之後,我決定為佢整間寧靜小屋。
家中有大把紙皮箱,某周日早上起來,趁著佢出去玩,就幫佢做間紙皮屋仔。
其實我最討厭畫公仔同做手工,好少做呢啲嘢,手腳好慢,搞咗我好耐呢。


起初佢只係望下,聞下。
過咗幾日,佢開始响個箱上面坐。
跟住,就開始用頭磨擦間屋,表示呢間屋係佢嘅。
再後來,久不久,就開始入去瞓覺同休息。
依家,佢已經知道,呢間寧靜小屋係佢嘅物業,如果我移動小屋,佢會好緊張。


寧靜小屋俾到佢藏身嘅感覺,令佢有安全感,我在裡面放入特厚嘅咕臣,讓佢在裡面,可以享受一個寧靜,軟綿綿嘅休息時間。
睇下,個咕臣幾厚!仲厚過佢!!呢啲先係高床軟枕嘅生活丫嘛。


22 則留言:

  1. 三色貓一定好開心, 間小屋好靚啊. :)

    回覆刪除
    回覆
    1. 多個呢啲隱蔽地方比佢應該會增加佢安全感。。。
      哈哈哈,我做手工真係麻麻,反而見你做手工好叻叻呀

      刪除
  2. 很難得的好主人高牀軟枕、獨立小屋、連貓心理都照顧週到!

    回覆刪除
    回覆
    1. 佢有兩日突然間神神化化咁,成日周圍匿埋,搞到我同王子好擔心,所以一定要諗下辦法

      刪除
  3. 呢個係"貓人貓地"單位.

    回覆刪除
  4. 回覆
    1. 無所謂,其實我哋準備咗好多地方比佢

      刪除
  5. 哈哈…係唔係仲好過你張床呢?
    而你對佢咁好,王子可能會妒忌呀!

    回覆刪除
    回覆
    1. 咁又唔係,我張床係王子設計同自己整架
      王子唔會妒忌啦,佢其實都為佢做唔少,遲啲分享

      刪除
  6. 哈哈, dream house, 應該三色當係dream home 喇。

    回覆刪除
    回覆
    1. 我希望佢响裡面可以安靜落嚟,同埋可以好好瞓覺,好好發夢

      刪除
  7. 幸福的三色貓,高枕無憂 <3

    回覆刪除
    回覆
    1. 佢有兩日突然間神神化化咁,成日周圍匿埋,搞到我同王子好擔心,所以佢依家每次匿埋响裡面,我哋都會保持安靜

      刪除
  8. 回覆
    1. 哈哈哈,不過只係上車盤,同埋個發展商麻麻架咋

      刪除
  9. 回覆
    1. 仲有啲更幸福嘅事要準備比佢呀

      刪除