我的網誌清單

2016年8月29日星期一

畫圖建屋

早幾個星期開始,我已經同王子講,想為三色貓添置一間戶外貓屋。
因為佢唔可以自出自入,有時佢要在外等一段時間才等到我開門俾佢。
作為貓家長,天氣熱我怕佢曬親,落雨我怕佢濕身,天冷我怕佢冷親,風大我又驚佢吹親。
有時佢玩到半夜,又要响外面露宿,我又會擔心,有咗呢個落腳點,我會叫做放心啲。


本來我諗住買現成嘅,王子覺得呢個工程好容易,話不如自己diy,反正我家有工作室同合適嘅工具,亦有足夠嘅二手材料,而且自己做嘅,可以用上更好嘅材料,加強貓屋嘅舒適度。
我將我嘅要求同王子講好,佢就開始畫圖,正式開工。
工程已經進行得如火如荼,等佢完成後,再同大家分享王子嘅大作。

22 則留言:

  1. 期待王子嘅五星級的家 ^^

    回覆刪除
  2. 睇個圖,你個要求唔係好高佐喎.仲以為你要間睡公主城堡。

    回覆刪除
    回覆
    1. 德國人特性嘛,第一同第二個要求係實用,第三個要求係超實用,我嘅要求係個內涵呀

      刪除
  3. 回覆
    1. 真係度身訂造㗎,王子仲幫佢考慮咗好多因素

      刪除
  4. 你太寵牠了,而家你就話做間房外屋俾佢,如果有日佢結埋婚,咁你咪要送層樓……嘻嘻!

    回覆刪除
    回覆
    1. 佢係寵物嘛,寵佢係應該嘅
      我哋依家諗,唔知黃貓遲啲會唔會想同佢同居

      刪除
  5. 又係個句,三色貓好好命呀,哈哈哈!

    回覆刪除
  6. 王子好叻,好想睇下個製成品

    回覆刪除
    回覆
    1. 我都想快啲見到,入秋後希望搞掂

      刪除
  7. 期待王子為三色貓做的製成品呢

    回覆刪除
    回覆
    1. 入秋後希望三色貓可以開始用,遲啲天氣會開始涼啦

      刪除