我的網誌清單

2016年8月19日星期五

帶著矛盾去養貓

有時我覺得,做人無得揀,其實仲盞。
有得揀,反而係煩惱。


有好幾天,我掙扎著,是否要讓三色貓經常外出。

是咁的,三色貓這小鬼真係好鍾意周圍去,好多時候我外出回來,它總是在外等著,其實我唔多想三色貓經常在家門外長時間等我,尤其係天氣唔好嘅時候,亦因為咁,我一度將其中一個小窗長開,讓它可以自由出入,可是,它卻把老鼠帶回家,我也只好重新將小窗關上。

另一個問題係,相對留在家中養嘅貓貓,經常在外嘅貓貓其實會特別短壽,因為遇到意外,染病,遇到壞人,遇到其他襲擊等等嘅機會,會高好多,而且,要見獸醫嘅機會`,亦高好多。

不過,另一面,就係佢嘅快樂啦,就係自由同外面世界帶俾佢嘅快樂,係家中一切貓玩具同設備,都不能代替嘅快樂。

這大概,也是很多貓家長嘅矛盾吧。。。

於是,決定試兩日,一天只讓佢出去兩次,外出時間不限。這小鬼,當然唔開心啦,久不久便在門前貓貓叫,求我讓它出去。試咗兩天之後,好明顯佢唔開心咗好多,有啲謝謝地,但係一樣係日日要求溫馨時光,一樣唔想放棄呢個家,每日都一定返嚟。有時我想,小鬼你係咪返去你主人度,會更加合適呢?在那裡,你可以全天候隨時外出與回家啊。。。

某天看著它外出嘅背影,望見它看著蝴蝶蜜蜂,搖著尾巴,輕鬆快樂嘅模樣,我便下定決心,讓它過一個快樂自由嘅貓生,不再限制佢。

三色貓`,絕對唔係一隻贏在起跑線嘅貓,亦可能係一隻終點好短嘅貓,但係,希望响佢呢條貓跑道上,可以做一隻快樂貓,盡情體會吓呢個世界。

呢幾日天氣好,佢玩到不亦樂乎,瞓覺都瞓得特別香甜。

26 則留言:

  1. 呢的生活習慣改不了!人是,貓也是!

    回覆刪除
    回覆
    1. 我見到佢唔開心,已經唔想再改變佢啦

      刪除
  2. 外國不只人,連貓似乎都快樂過香港貓

    回覆刪除
    回覆
    1. 土地唔夠但係人口多,真係一個大問題

      刪除
  3. 我寧願佢地活得精彩, 開開心心, 有個美麗一生

    回覆刪除
  4. 這張相三色貓好似睡覺都甜笑呢, 佢有你這個家, 一定很快樂.

    回覆刪除
    回覆
    1. 佢係好快樂呀,有啲時候佢發夢會有啲夢話,又會發夢自己响度玩,最搞笑係發夢自己食緊嘢

      刪除
  5. 佢出開街唔畀佢去好慘㗎。

    回覆刪除
    回覆
    1. 我諗佢真係好鍾意自由自在,而且佢生性係外向,所以我都係決定俾佢出去,不過就要成日睇實佢有冇染病囉

      刪除
  6. 貓貓對外面的世界總是充滿了好奇, 性格就係咁。

    回覆刪除
    回覆
    1. 一啲啲咋,真係睇性格,有啲天生好宅㗎,同埋年紀大咗通常都會變宅

      刪除
  7. 貓同人一樣有不同性格,是改變不了的事實,那就隨牠所向罷……

    回覆刪除
    回覆
    1. 冇錯,我都係決定由得佢,或者佢年紀大咗都會變宅啲

      刪除
  8. 貓咪同人一樣,喜歡自由自在。祝貓咪出入平安。

    回覆刪除
    回覆
    1. 一啲啲咋,真係睇性格,有啲天生好宅㗎,同埋年紀大咗通常都會變宅
      多謝你祝福!!

      刪除
  9. 貓咪同人一樣,喜歡自由自在。祝貓咪出入平安。

    回覆刪除
  10. 貓咪同人一樣,喜歡自由自在。祝貓咪出入平安。

    回覆刪除
  11. 係好矛盾,有時見到街貓,就唸捉佢返去養係安全係有瓦遮頭,但又唔代表佢哋係快樂,但響街又危險又日曬雨淋,次次唸唸下都頭痛,永世無答案(-_-;)

    回覆刪除
    回覆
    1. 你講得真係啱,我哋複雜啲,會諗好多嘢,會顧慮好多,計劃好多,但係貓真係唔一樣,我依家覺得佢快樂,但係又影響唔到我嘅生活,就ok啦

      刪除
  12. 咁希望佢玩得開心啲同埋唔好成日帶獵物回家XXD

    回覆刪除
    回覆
    1. 唉。。。佢一日起碼帶幾樣嘢返嚟比我。。。。

      刪除
  13. 回覆
    1. 真係掙扎咗一陣,諗咗好多嘢,我其實好怕佢會突然死亡。。。

      刪除
    2. 嘩,唔好咁諗﹗貓咪的生命一定比人短,你能在佢短暫的一生裡為佢創造一個安樂貓居,其實係好美好的事﹗

      刪除
    3. 因為王子之前有幾隻貓都係突然被車撞死,係鄰居見到貓屍體後再通知,佢好心痛啊,雖然我家附近冇乜車,但係我有時都驚佢唔知晌外面遇到乜事,不過呢啲都係要慢慢習慣,始終放得佢出去,呢啲風險一定要預咗承受。。。

      刪除