我的網誌清單

2014年7月10日星期四

無骨海南雞飯

去買餸,見到法國鮮雞大減價。
碰巧王子會在家午膳,天氣又熱熱哋,買完餸11點未到,夠哂時間整無骨海南雞飯做午餐喎。


滑滑無骨海南雞飯。
雖然係白皮雞,意外地竟然有雞味喎,成大碟4歐唔使,抵食!

一大煲油飯。


起咗肉啲骨用黎繼續煲湯,例湯係清熱氣嘅西瓜粟米煲雞。
啲西瓜皮本來係垃圾,咁又冇嘥啦。

黑豉油、薑葱油、辣汁一定要有!

仲整咗酸酸甜甜嘅輕漬蔬菜伴食,我覺得佢同海南雞飯同食,夾過同炒菜或者灼菜架。



無骨海南雞飯


食譜:

材料﹕
雞1隻約1200g
薑片3塊
薑茸3湯匙
葱粒2湯匙
葱2條(連根)
辣椒1-3隻
蒜頭3粒
炸葱片1湯匙
米150g



調味:
適量
鹽適量
魚露適量
檸檬汁適量



燒熱大鍋水(約3.5-4.5公升,水要蓋過雞),加入1-1/2湯匙鹽、薑片、蒜頭1粒及葱2條,
水滾,加入雞煮半分鐘,盛起,
待水再滾,加入雞煮至水開始滾,熄火加蓋焗30-40分鐘,
洗淨米再浸30分鐘,
薑茸2湯匙、葱粒2湯匙及1/5湯匙鹽拌勺,加入熱油,成薑葱油,
辣椒、蒜頭3粒舂爛,加入適量糖、魚露檸檬汁,辣汁,
取出,隨即放入一盤凍水/冰水,至雞降温,有需要可換水,再將雞起肉,
用少許油黎爆香炸葱片及1湯匙薑茸,加入米、適量雞湯及雞湯內的薑片、蒜頭及葱,煮至飯熟。


17 則留言:

  1. 真係好抵食喎 b^^d
    你又打到斧頭喇

    回覆刪除
    回覆
    1. 打到斧頭之餘,隻雞味道真係幾好架

      刪除
  2. 咁大碟雞4歐有找,仲平過香港D雞!

    回覆刪除
    回覆
    1. 普遍德國啲肉都平過香港架,尤其係牛呀

      刪除
  3. 自己整,一定是最好食啦,真材實料呢。

    回覆刪除
    回覆
    1. 今次隻雞仲冇乜肥膏,骨又細呢,一定有下次

      刪除
  4. 回覆
    1. 類似農家雞太勁雞味果啲我都唔啱,炸雞、咖哩雞冇雞味我ok架,海南雞最好有少少啦

      刪除
  5. 回覆
    1. 我之前都係咁!啲雞無味完全整唔到浸雞,好難食王子掂都唔掂!
      最近見超市有新雞種,諗住試下竟然ok喎
      我度有啲人會去有機超市/農場買雞,話啲肉鮮味好味架

      刪除
  6. 看見這無骨海南雞就想起了......
    是我老表整過的東江鹽焗雞,也是「拆了骨」的,據他說當年是專程往尋某一大廚處學。
    反在早排,我喺超市看到有包海南雞飯專用醬料,是用來煲飯用的,雖然很香很好味,但是比較油膩點!
    最後,我感到你對煑食充滿熱誠,做甚麼美食都要求盡善呀。

    回覆刪除
    回覆
    1. 鹽焗雞令我諗起香港啲舊式燒臘鋪,一隻隻鹽焗雞插响鹽堆嘅情況
      你過獎啦,其實我有啲懶架,太花功夫同用太多能源果啲我都好少整架。

      刪除
  7. 其實我呢邊啲雞都係無咩雞味架, 所以返親香港要勁食雞架.

    回覆刪除
    回覆
    1. 我見你度啲雞啲皮都白白哋架。

      刪除
  8. 多得你post天天,令我買咗呢隻雞呀

    回覆刪除
  9. 王子一定大愛這個海南雞,因為唔駛lur骨。

    回覆刪除
    回覆
    1. lur骨佢冇問題架,佢係鐘意呢個組合,好有亞洲風情,似响亞洲放緊假喎

      刪除