我的網誌清單

2014年7月13日星期日

超市家庭同樂日

星期六某超市攪咗個家庭同樂日,去之前冇諗過佢攪到咁大型!
一早講明小朋友有得任玩,大人好多平嘢買,仲有大量試飲試食禮物同抽獎。
天氣差都好多人,個形式超似工展會,但係大好多,個場地有十個工展會咁大,所以排隊情況理想。



啲人一車車咁買。

好多人買薯片,原價二十幾歐一袋,是日福袋價5歐!

超市除咗自己出手,仲叫咗好多品牌同供應商幫手。

每人每次可以攞兩樣產品,攞完可以再排隊攞。

仲煮埋俾你任食。

有平菜賣。


5歐一盤任選!

仲有燒烤樂園,賣得好平!

幾平都好,唔使錢最吸引。。。
呢檔食甜品。


排完可以選一樣產品食,王子同個朋友狂排,食完又食。

呢個品牌主要targets係小朋友,好多小朋友攤位!

仲有呢度好受歡迎嘅小童大花面化妝。




呢檔响個台掉薯片,攪到人山人海。


全場最大方,我前面果個攞咗5支佢都照俾。


無酒精低卡啤酒任飲,王子話非常難飲!

同工展會一樣,買夠幾多就有冰袋送。

瑞士火鍋都有。


雪條任食,又係好大方。



呢個水上飄好正!

大戰前夕,大量足球遊戲。



估唔到咁多人買呢架車!59歐一架!

生果5歐一筒任選!另加送一大疏蕉!

呢個好似係特別品種嘅椰菜,特別香甜。

有得試。

真係掂架!

天外飛仙都唔使錢任玩!

佢好可憐,狂俾啲小朋友抽水。。。

記唔記得以前有個西部牛仔騎牛牛遊戲?依家配合世界盃改騎足球。



呢檔有新鮮朱古力食。

有機果汁。

呢條龍最長!因為佢送漢堡同pizza!先排隊轉幸運輪,再去換食物。


仲有文具禮品送!

佢嘅新產品,pizzaburger。

一般啦,不過好夠熱。

行完一圈,已經3個鐘,飽哂!
是日戰利品有8kg生果同6kg菜,呢度7.5歐咋。

仲有贈品!

18 則留言:

  1. 十個工展會咁大嘅「超級大大市場」,在德國那裡?
    可以有咁多優惠,真是羨慕你們呀!

    回覆刪除
    回覆
    1. 响stuttgart攪啤酒節嘅地方,好似係第一次攪當宣傳喎

      刪除
  2. 乜同一集團超市o係我度冇搞d咁o野架?!!!

    回覆刪除
  3. 回覆
    1. 真係估唔到咁大型!的小朋友未放暑假呀,仲有2星期先放,但係呢排個個放學就踢波......

      刪除
  4. 有得食有得玩, 真係唔錯!

    回覆刪除
    回覆
    1. 真係啱一家大細,仲可以零消費玩足一日

      刪除
  5. 真係行一日都行唔完. 可惜冇可能係香港出現, 內地人收到風, 怕且會組團落黎排隊, 霸位, 拖車, 拖喼, 掃貨, 將香港人趕走.

    回覆刪除
    回覆
    1. 香港攪嘅話,後果會不堪設想呢,會進入非理性狀態呢

      刪除
  6. 咁正, 又有得玩又有得食仲有咁多贈品! 如果呢樣嘢喺香港舉行, 啲蝗民會點呢?

    回覆刪除
    回覆
    1. 如果喺香港舉行, 香港將會被攻陷,香港人要逃難上山都似!

      刪除
  7. 回覆
    1. 益力多想攻入呢度市場嘛,暫時唔太成功呢

      刪除
  8. 羨慕羨慕, 我一定會買蔬菜同水果買到停唔到手,哈哈哈

    回覆刪除
    回覆
    1. 今次啲嘢好啱買,蔬菜同水果有益,多買無妨呀

      刪除
  9. 我都知佢地攪活動呀, 好想去睇吓架, 但要去奶奶到......
    好彩你有去, 又有post上黎, 我以為同平日在超市買, 會平少少咁啦, 原來他們大手筆, 有咁多優惠同贈品....我錯失了良機喇.

    回覆刪除
    回覆
    1. 我係朋友報料先知咋,啲品牌同供應商好大方,唔知係咪第一次攪呢?之前完全未聽過

      刪除