假裝的雪菜肉絲麵

買芥蘭頭時，我特別會挑葉子也長得好的。
因為，佢可以用來醃雪菜。
雪菜我度無啦，其實也可以去亞超買芥菜來醃雪菜，不過有點貴呢。
況且呢度啲洋人係唔食芥蘭頭葉架，佢地買芥蘭頭時會除葉，所以洋超常有大把冇人要嘅芥蘭頭葉，見到靚嘅葉時，即使唔買芥蘭頭淨係攞啲葉走，洋超唔會理架。
其實除咗芥蘭頭葉，蘿蔔葉都可以，不過蘿蔔葉洋超不常有。

芥蘭頭葉洗好，用鹽按摩、搓搓啲葉，等3小時，再放入保鮮盒入雪櫃進行醃製過程，放幾日至一個禮拜便完成。
〝雪菜〞用前要沖水洗幾次去鹽。
只是用了一些芥蘭頭葉，加上一塊豬梅頭，便做了一大碗雪菜肉絲，足夠我同王子食3次雪菜肉絲麵啦！