我的網誌清單

2016年10月18日星期二

椰菜節(2)

搭免費接駁巴士,就可以嚟到另一個地點。
呢度大好多,人多好多呢。
首先,見到一檔大大嘅,賣農產品。


呢啲農產品,全部係附近新鮮採收返嚟㗎。


擺到好似藝術品咁。


好吸引,仲有好詳細嘅說明,解釋每一個品種,我走嘅時候都要嚟幫襯。


除咗用嚟食,有啲係用來裝飾嘅。


本地人都係好緊張家居佈置,四季都要改一改,入秋,好鍾意用呢啲小南瓜佈置屋企,花園,同門口。


仲有呢啲粟米,襯起上嚟都可以好靚。


自己設計同人手整嘅秋天裝飾,都幾靚。




呢一區,仲有唔少舊屋添。




講下有咩睇。
有小朋友同大人一齊合奏。


呢個好多人睇,完全埋唔到去。


係狗隻訓練示範,講解點樣訓練啲狗隻工作同拯救人類。


仲有小朋友同老師一齊跳土風舞。



雖然話係椰菜節,其實好多嘢都同椰菜無關。
呢檔真係好貼題,係椰菜公仔嘅產品。



將椰菜砌成藝術品。




呢檔好多人幫襯。


主要係賣尖椰菜。


仲有酸菜,啲人一次買好多添。


椰菜變椰樹。


呢度近農田,有唔少農舍,部分今日都開放,改裝成餐廳,幾好情調呀。






突然見到呢棵,上面好多好多果實。


係無花果呢。


街邊檔都唔少,呢檔係酸菜伴麵疙瘩,王子like,我就麻麻喇。


突然有人開始唱歌,係唱椰菜歌,歌頌椰菜嘅美好,又有營養,又多煮法,幾搞笑啊,有啲似尹光嘅口水歌。


見到呢堆醃菜,好靚呀,不過真係貴咗啲囉。


呢度個舞台,一樣係有樂隊長駐。


都擺得好靚。



行下行下,見到呢條一柱擎天。


原來係建築公司借出吊臂車,改裝成為小朋友嘅攀石遊戲。


是日我嘅收穫,兩個南瓜,品種係原產自法國南部嘅Musquée de Provence。
買完先識得後悔,原來好重㗎,加埋成13kg,我仲要得一個購物袋响身,拎到我呢。。。


17 則留言:

  1. 之前在香港吃的德國鹹豬手都有酸椰菜拌,在德國是否一樣嗎?

    回覆刪除
    回覆
    1. 係呀,唔止鹹豬手,基本上好多肉類旁邊一定有酸椰菜

      刪除
  2. 我地的無花果都有好多好似呢D咁,青BB。

    回覆刪除
    回覆
    1. 我懷疑天氣已經咁涼,係咪唔會再熟落去呢??

      刪除
  3. 椰菜藝術品o既椰菜活動完咗後會唔會免費派發嘅呢?

    回覆刪除
    回覆
    1. 哈哈哈。。。無你果邊咁正啦,好似會平賣,但係冇得免費派發囉

      刪除
  4. 啲粟米之後能夠食嗎?我在這裡看見啲好硬㗎。如果係我都唔知點好,太多野想買啦。

    回覆刪除
    回覆
    1. 唔得架,呢啲咁靚嘅通常都係好硬,但係我知道南美人會用嚟煲水飲,話有益喎
      你應該會睇得好開心,好多平時見唔到嘅嘢。。。

      刪除
    2. 係呀,非常非常鍾意,多謝分享

      刪除
  5. 有得食又有得睇,都搞得幾有聲有色好多元化
    7歐一小樽都可以買返去擺下,幾可愛

    回覆刪除
    回覆
    1. 係幾好呀,又唔使錢,仲攪足三日,日日唔同節目
      其實我好怕擺設,要我清潔,我。。。好懶。。。。最怕。。。

      刪除
  6. 回覆
    1. 其實我好怕擺設,要我清潔,我。。。好懶。。。。最怕。。。

      刪除
  7. 好鐘意土氣舞小朋友的裙﹗﹗
    13公斤南瓜要食幾耐先食得晒?我見大南瓜好平,但真係唔知點先食得晒.... >.<

    回覆刪除
    回覆
    1. 係囉,啲裙好靚好整齊
      呢隻南瓜好食但係少見到有得賣,而且價錢都幾貴,無記錯要1.8歐左右一kg。
      我本來打算開咗,分啲比人,王子又唔肯,話食得晒喎,到時再睇吓啦,我一定諗到辦法處理。。。

      刪除