我的網誌清單

2016年10月16日星期日

求仁得仁

我成日都覺得,王子係一個成日求仁得仁嘅人。
某天晚上,王子嘀咕嘀咕,說很久無食過牛扒。
係呀,你減肥吖嘛,仲要食少啲肉嘛,咪唔買囉。
隔天,真係如佢所願,我去超市時,見到美國牛扒有跳樓貨。
咁買定啲上吓倉啦,我好鍾意呢啲咁樣嘅獨立包裝,覺得好方便好企理,幾多人食就攞幾多塊出嚟解凍。


精心炮製嘅牛扒餐,塊牛扒勁大,有三分二仲係隱藏咗係下面,見唔到,攤開嘅話,係成隻碟咁大塊,不過就唔係好厚身,今日整咗紅酒磨菇汁,主食係德國麵糰。


我唔多想食肉,反而想食清淡啲,買咗魚比自己,整咗番茄蘑菇魚肉米線。


王子見到得一份牛扒,即刻好緊張,以為我食牛扒,佢食米線。
當我同佢講我唔想食肉,想食清淡啲嘅時侯,佢竟然偷笑出嚟,話好彩係咁,如果佢無牛排食,今晚一定好唔開心,最好以後我成日唔想食牛扒,咁佢就可以將屋企嘅牛扒全部食晒。。。。

26 則留言:

  1. 好好笑啊, 你寫得有點鬼馬, 但其實又好sweet啊!

    回覆刪除
    回覆
    1. 佢對眼真係係咁望住啲牛扒,佢應該諗緊如果份牛扒係我嘅,佢要點樣做先氹到我交番出嚟

      刪除
  2. 哈哈.....唔喺經常大魚大肉,
    應該無問題,糖,酒類,脂肪先至喺至肥主因。

    回覆刪除
    回覆
    1. 肉都好啲,佢見到甜嘢,仲更加發癲,係咁食唔停㗎

      刪除
  3. 回覆
    1. 佢最多係第二,三色貓一定係number 1

      刪除
  4. 哈哈!得如此體貼好太太,夫復何求!

    回覆刪除
  5. 王子點解會以為自己無牛扒食

    回覆刪除
    回覆
    1. 佢覺得唔會有人寧願食米線,都唔食牛扒囉

      刪除
  6. 回覆
    1. 再玩佢落去,佢以為自己無牛扒食,一定會黑面㗎

      刪除
  7. 回覆
    1. 係呀,呢個汁佢好鍾意,我通常都煎牛扒都係整呢個

      刪除
  8. 有冇切少少牛扒來試味?^^

    回覆刪除
    回覆
    1. 冇呀,但係有問王子食後感,佢話ok喎,下次可以買多啲

      刪除
  9. 我估王子兩眼放光"猴"住塊巨扒個樣一定好好笑! XD

    回覆刪除
    回覆
    1. 係勁搞笑,佢初頭見到第一眼,勁開心,跟住見到碗米線,即係露出有隱憂嘅神情。。。

      刪除