一鴨多吃系列(1)－黑椒燒鴨脾、桂花蜜糖黑蕃茄

近聖誕，超市啲鴨大平賣，買咗兩隻。
以前買鴨通常會成隻整燒鴨，但我同王子只愛鴨脾，鴨胸較鞋冇人想食。
今次决定將鴨嘅唔同部份用唔同方法分開黎煮。

燒鴨脾係我哋嘅大愛，今次整黑椒燒鴨脾。

這種叫Kumato嘅蕃茄我响西班牙食過，真係特別香特別有蕃茄味。
因為冇中文名，姑且叫住黑蕃茄先啦。
昨天終於再次遇上佢，立即買下。後來上網check，先知原來只有約10個國家可以生產，亦只有指定嘅分銷商可以賣。唔怪得咁難買到啦。

用佢做了桂花蜜糖黑蕃茄。
王子一望已經知係好嘢，我再抬頭已經冇經冇咗半碟。

菜不能少，我已經幫啲紹菜收咗水，所以炒出來特別甜。

煮緊飯時鄰居兒子送來蛋糕，原來佢生日。
從來唔睦鄰嘅王子無啦啦有甜品食，開心到佢呢。。。

黑椒燒鴨脾

食譜:

材料﹕
鴨脾 2隻

調味:
蜜糖半湯匙
醋2湯匙
水1湯匙
黑胡椒碎半湯匙
鹽1/3湯匙
五香粉4/1湯匙


沸水加入鴨脾煮15秒，取出，
混和所有調味，
拌入鴨脾醃4小時以上，
皮向上，將鴨脾放入雪櫃至少24小時至皮的水份被抽乾，
以210度先焗15分鐘，再用上火焗15分鐘。

鴨脾有大有細，要自行調整煮食時間啊。