自家製魚生飯

上次同Blog友提及一間連鎖嘅大型高級食材批發商，佢响德國多個大城市及維也納都有分店。
個批發商主要係供貨俾高級餐廳同酒店，來自不同國家嘅海鮮、肉類、蔬菜、酒等等一應俱全，佢仲有好多食材係一般超市冇嘅添，都算係呢度嘅「梁九記」啩。
最好嘅係：佢有做零售，兼且其中一間响我家附近。
發現咗佢之後，我真係興奮無比，因為佢有好多我恨食但外面買唔到嘅嘢。
適逢每月一次嘅「感謝祭」，我答應王子去買啲好嘢番黎整。
其實天氣麻麻我唔多想去，但王子堅決話非去不可，因為佢非常十分恨食。
買了不同食材，今晚先吃魚生飯。

係多魚生少飯架。出面食冇可能有呢個狀態啊！
如果要呢個狀態 ，我想像唔到日本餐廳要收我哋幾多錢呀。
王子要魚生片、葱拌碎魚生、帶子

我就要埋三文魚子。

之前同王子講我今次打算整葱拌碎三文魚時，因為我未整過俾佢食，佢本來好猶豫，驚嘥咗啲魚。
今次試完之後，佢都愛上了，話估唔到個口感會係咁creamy咁好食！
仲有碟淨魚生，王子好大方地留番一塊俾我。。。
睇番張相，我又想食啦。。。哈哈「梁九記」I will be back!