慈善賣物會

某日帶奶奶去慈善賣物會。
上年帶佢去過，佢買到十分興起，嚷着今年要再去。
今年行新制：要排隊入場、要俾入場費。
有過千人排隊啊！

啲人帶哂行李箱、紅白藍黎掃貨。連移民喼都有。
上年連超市手推車都見到，今年新制禁咗佢入場。
咁嘅陣容，就知啲嘢有幾抵買啦。

 排咗半個鐘先有得入場。

入到去真係嚇親，人山人海呀。呢度好少出現咁嘅情況架！

個賣物會係由德國及美國人合辦，所以賣嘅物件都係來自五湖四海。
場內仲有好多平時見唔到嘅美國家庭，來自駐守美軍。
個場地分兩層，有唔同hall賣唔同嘢。

行咗3粒鐘，成2點先有得食晏。

部份戰利品

呢排成日撞到街派免費朱古力。

玩完通常唔想煮，求其用自家製貢丸同意粉醬煮粉食算了。