朱古力巨輪－Ritter Sport基地(3)

呢個係成個展覽館最多人圍住嘅地方。

個模型下面有個掣，一撳間廠便會着燈，出現「廠震」。

跟住有架車仔會駛出黎，然後落貨，將朱古力送到客人手中。

架車仔跟住會駛返廠補貨。

啲細路睇得好興奮，架車一郁佢哋就尖叫。
啲朱古力係免費任食嘅，不過食一次就要排一次隊啦。
除咗朱古力，仲有可可豆食。

展覽館對面係以「方形藝術」為主題嘅博物館。

博物館又點夠朱古力factory outlet吸引呢！王子一支箭咁衝咗入去。
我比較少吃朱古力，但王子已經完全沉醉咗响裡面。

呢度好多產品我都未見過，例如下面呢樣。

朱古力醬我都未見過。我見有位洋叔單拖買成8罐。真係好好味？

最多人嘅減價區。

好次福袋咁，每包嘅內容都唔同，好彩用透明包裝，可以俾心機慢慢睇。

隻Raspberry & Cranberry Yogurt幾正架，好香莓味，少少酸同朱古力夾埋啱啱好！

原來佢仲有出餅乾。

冬季產品

有機朱古力

精品非常受歡迎，我想要嘅都冇哂貨。

仲可以自由組合

聖誕產品都已經上場好耐了。

店內洋人十分瘋狂，幾十kg咁買。。。當飯食。。。
王子努力克制自己，「只係」買咗3kg。