健康美容飲品－Green Smoothie

這杯綠油油嘅係Green Smoothie，近年歐美、日本都很流行嘅健康飲品。
有美容、減肥、排毒、改善腸道健康及皮膚質素等等多個好處。
好處多到不能盡錄呀。
佢嘅味道勝過外觀架，透過佢可以令自己嘅飲食習慣更均衡更健康。

Green Smoothie嘅基本材料係蔬菜、水果及水。
由於係raw food，無經煮食，同沙律一樣，可以保留最大量嘅酵素、維他命、纖維等等。
一般中國家庭比較多食已煮熟嘅菜，蔬菜在煮食過程中流失了很多有益元素。
食沙律同飲Green Smoothie就可以補充以上嘅不足，並且可以一次過可以食多啲唔同種類嘅蔬果。

製作Green Smoothie其實很隨意，初飲者一般會用較多水果及較少蔬菜，並且飲較小杯，習慣了以後便可以逐步加重蔬菜嘅分量及飲用量，減少吸收果糖。

如果平日少食蔬菜，初飲時反應會較大，因為身體習慣了多肉多澱粉質少纖維，當身體習慣了，呢啲反應都會消失。

蔬菜方面一般以沙律菜為基本，另外可以加入甘荀、青瓜，西芹等。
水果方面亦很隨意，但要製造creamy效果，便要加入香蕉、芒果、木瓜呢類生果。
除了蔬果，你亦可加入薄荷、薑等等。加入少量已去皮檸檬仲有清肝作用，間接令皮膚更有光彩。

攪拌機內加入蔬菜及水打碎，再加入水果打碎，一杯Green Smoothie便完成。

為了方便，還可以將香蕉、木瓜、菠蘿等水果切塊入冰格，用嘅時侯再取出要用嘅分量，攪拌機內先用水浸冰水果一會至微軟，再加入蔬菜及其他水果打碎，加入冰水果仲可以即時冷凍杯Green Smoothie呢！

有些人還會一次過整多啲入樽入雪櫃，方便隨時飲，但我還是選擇鮮製啊。
 有時外出食飯多咗， 又或者响聖誕、新年啲大時大節食少咗菜，返屋企都可以飲翻杯補充下。