朱古力巨輪－Ritter Sport基地(1)

我諗好多香港人對Ritter Sport呢隻朱古力都唔陌生。
歐洲人普遍愛朱古力，牌子及款式都甚多。响一般超市可買到嘅朱古力中，我同王子都覺得Ritter Sport嘅性價比最高。
某日我哋去咗Ritter Sport嘅基地。

色彩繽紛及方形係佢最大嘅標記。

基地仲有個展覽館連博物館。

展覽館係免費入場的，首先見嘅係朱古力嘅歷史。

原來第一批加糖入朱古力嘅係西班牙修女。

將朱古力變成方形嘅人係佢－Clara Ritter。
原來Ritter Sport朱古力當初係叫Ritter，冇Sport呢個字。當時啲人興去運動場嘅途中先去Clara間鋪度買排朱古力帶去食，買完會放入褲袋，但長方型嘅包裝會整斷啲朱古力，所以Clara便想出方形朱古力來。

呢度係朱古力巨輪，由1920年講到今日。
好似「羅信記」咁，佢都經歷過唔少咸苦同挫折架。

先睇下唔同年代嘅朱古力包裝。

呢個最舊，1920年

呢個係未變方形前嘅包裝，仲有當時嘅朱古力模。