蘿蔔牛肚

我覺得煮食最大嘅滿足，唔係將食者愛吃嘅煮得美味，反而係將食者本來唔愛吃嘅煮得美味，令食者看到呢種食材嘅見另一面，願意自動放下佢嘅睇法，再去嘗試。
牛肚是我家嘅其中一個例子。
因為小時候食過煮得差嘅德式牛肚，王子以後都唔食牛肚。
我從不强迫佢食，或者陪我食，因為唔鐘意就係唔鐘意，人係應該有思想自由嘅。
最初我煮，佢只會望，後來望望下，佢見我食得滋味個樣，開始去嘗試，初初只吃少少，最後係愛上，大口大口咁食。

响土超見到靚牛肚，立即買！
靚牛肚可遇不可求，見到靚就要上倉。
有牛肚最好有埋蘿蔔，蘿蔔吸咗牛肚汁，超美味。
王子嘅同事之前黎食飯， 我煮嘅其中一樣係蘿蔔牛肚。
王子唔使講， 大口大口咁食。
同事A非常愛牛肚，食咗多多。
同事B未食過牛肚，見同事A同王子大口大口咁食，又勇敢試試。
呢個蘿蔔牛肚係剩菜，其實隔日食仲正。

仲有另一剩菜泰式紅咖哩三文魚千層茄子。
惹味菜，要煮多啲飯喎。