火腿通

上次病咗，blog友J Chan叫我煮火腿通，但係，其實我非常少買火腿，一年應該冇5次。
不過病完之後，想起茶餐廳嘅火腿通，突然想食，買包火腿煮煮先！
煮咗兩大碗，同王子一人一碗做晚餐。
耐冇食，覺得特別美味。。。
想起香港茶餐廳食早餐嘅情景。。。

第二日我同王子去放血，大減價已經去到尾聲，很多貨品70-80% off。
買到不亦樂乎，很多合心水貨品呢，勁開心。
回家路上，問王子晚餐食乜。
佢竟然唔使諗，話一定要再食火腿通！
又食火腿通？！原來佢覺得火腿通非常正，仲叫我加煎雙蛋。
你話佢啲口味係咪超似香港人呢？