牛羊漢堡包

同王子經過漢堡王，王子跟我說，好耐冇食漢堡包。
佢嘅意思係，叫我整漢堡包俾佢食。
响土超又買到牛羊混碎肉，咁不如整牛羊漢堡包啦。

我家整漢堡包，塊漢堡扒要自己整，個包都要自己整。。。

整開包就整一盤，冇咁嘥能源嘛，俾佢當早餐、茶點食。

啲包用廚餘天然酵母整，有啲黏手，但係效果好，又耐放。