我的網誌清單

2016年5月16日星期一

新舊交替

上星期天氣好好,見到小菜園嘅新舊交替,真係睇到人心花怒放。


呢種豆係去年10月落種嘅,係一種可以捱到風雪同負20度嘅品種,二月份嘅時候佢會感應到季節嘅轉變,然後自動發芽,最近啲花開得極燦爛,一大片,都幾靚㗎。
希望佢哋快啲結出豆來,我想食新鮮豆啊。


 旁邊嘅仲有啲黃花,呢啲好快要比我清除,不過見佢哋幾靚,暫時留響度裝飾吓小菜園。


沙律開始長大啦,我種咗好多,下個星期應該可以開始供應餐桌嘅需要。


仲有各類嘅香草,莞茜係其中一種。


亦有已經開花想結種子嘅植物,呢棵係羊萵苣(nut lettuce),非常耐寒,所以冬天時種咗好多用嚟做沙律,四月份嘅時候佢哋突然長高,開出白中帶一點點紫色嘅小花來,第一次見,好靚呢。


新種嘅仲有西洋菜,種植佢哋都遇上幾次嘅破壞,就係九九九誰是兇手幹嘅好事,不過經過修復同保護,佢哋開始漸入佳境。


仲有basil,我係由種子用有機方法培育嘅,之前經歷過唔少失敗,今年開始成功啦。


呢個又係另一個成功,係綠蘇green shiso,今年終於第一次由種子培育成功,依家仲係生長中,佢哋似乎好快樂啊。
我很喜歡綠蘇嘅味道,久不久就會摘幾塊葉嚟食,真係好香呢。


Borage真係唔錯,上年春天種咗一次,夏天第一批開花後死去,同時又自己掉下種子,再長出新一批出來,直到冬天先死去,今年春天,又生出來,完全唔使理佢。


還有牛蒡,二月尾開始種,今次試吓用袋種,直接剪開泥土袋,施啲肥就種,睇吓效果如何。


20 則留言:

  1. 我都種過西洋菜, 新鮮好味. 有人教用水種, 不過我未試過.

    回覆刪除
    回覆
    1. 我依家係浸住水種,如果唔記得淋水,都無咁易c咗

      刪除
  2. 回覆
    1. 一時時啦,有時係大失敗,有時係小失敗,經歷完呢啲之後又成功咗,先會有成功感

      刪除
  3. 自家種真係好有滿足感。

    回覆刪除
    回覆
    1. 有時係享受個過程,多過純粹為咗收成

      刪除
  4. 全都是自家種植,真不愧為homemade-blog的典範啊!

    回覆刪除
    回覆
    1. 暫時有啲植物我都種得麻麻,根莖類嘅都種得唔好

      刪除
  5. 綠蘇我度唔係時時有,仲要賣好貴添。

    回覆刪除
    回覆
    1. 我度極少見到綠蘇呀,又係勁貴,over 4歐一盆,仲好細盆添

      刪除
  6. 白花的豆是荷蘭豆嗎?我地果D都未出花。

    回覆刪除
    回覆
    1. 唔係呀,係green peas,要剝殼食,新鮮生食好甜好爽又有少少粉粉哋㗎,同平時急凍或者罐裝食味差好遠
      荷蘭豆我有種呀,蜜糖豆都有,不過我遲落種,仲係好細

      刪除
  7. 我都想食新鮮豆,很幸福的感覺啊。

    回覆刪除
    回覆
    1. 呢隻豆要剝殼食,新鮮生食好甜好爽又有少少粉粉哋,配沙律或者清湯好好味

      刪除
  8. 回覆
    1. 有時係享受個過程,多過純粹為咗收成

      刪除
  9. Borage 好靚!
    有菜園就正啦, 又有得食又有得睇!!

    回覆刪除
    回覆
    1. 如果種菜同時間又想個花園靚,真係要比啲心機設計吓

      刪除