我的網誌清單

2016年5月26日星期四

新鍋

以前一直唔敢用壓力煲,由初初好怕有意外,到買咗之後,發現原來好好用,一啲都唔危險。我講唔危險,係要買啲新科技,商譽好嘅牌子,老老實實,如果平,但係個技術差,平極都唔會買,費事有乜意外。
用咗好幾年,依家已經用到無咗佢唔得,煲湯煲粥煲湯水炆嘢燉嘢蒸糕蒸餸翻熱,都係佢。
年幾前開始覺得一個唔夠用,煲到湯時又炆唔到嘢。
原因係,我唔鍾意幫佢排壓,我鍾意佢自然排壓,咁樣可以透過餘溫煮食,慳能源嘅同時,壓力煲個膠圈會襟用啲,煮食效果亦好啲。
一直留意住想要多個,不過我已經有一個大嘅不銹鋼,所以想試下買下面呢一種。
等咗好耐,終於等到心水價,即刻買。
拿拿拿,我唔係賣廣告㗎,我真金白銀俾錢買㗎。


佢最大嘅特色係唔用不銹鋼,用咗專利嘅Silargan(希拉鋼,係一種將陶瓷同不銹鋼合而為一嘅技術),所以可以直接响個煲內煎煮,而且傳熱同保溫都比不銹鋼好,而且個物料好堅硬,唔易刮花,又易清潔,有30年保養,適合用來炆食物。
佢嘅物料比較細密,所以對抗菌同保持食物原味嘅效果會好啲。
不過價錢當然唔簡單啦,今次係超筍價,先捨得買咋。



29 則留言:

  1. 我見過有款話多功能嘅電熱煲,功能也像壓力煲一樣,但用電的我怕唔安全,就算幾平我都唔敢買(上次見過特價約百五紐元)!

    回覆刪除
    回覆
    1. 用電嘅煮食煲我好少買㗎,淨係得一個,因為要打邊爐

      刪除
  2. 回覆
    1. 我不銹鋼果個都係WMF,所以今次想試下其他物料

      刪除
  3. 回覆
    1. 可能以前第一代啲壓力煲好差,所以仲記得

      刪除
  4. 回覆
    1. 呢個牌子我哋都係賣得貴,不過一分錢一分貨囉

      刪除
  5. 我嘅係WMF,但係我都有啲驚驚地,好少用(完全係我嘅問題,唔關個煲事)

    回覆刪除
    回覆
    1. 可能以前第一代啲壓力煲好差,所以仲記得

      刪除
  6. 最緊要啱用,一個煲可以用好耐,拉長計其實應該都唔會太貴嘅^^

    回覆刪除
    回覆
    1. 我都係咁諗,最緊要係安全好用,用得多就抵返

      刪除
  7. 好多人都係怕有意外無買壓力煲, 我都係!hahha..
    不過我都係咁唸, 買有信譽同質量保証, 而家仲物色緊

    回覆刪除
    回覆
    1. 呢個真係應該買個貴啲,安全嘅,長遠嚟講係抵返㗎

      刪除
  8. Hi LiJ,
    第一代壓力煲好危險,以前用來煲糙米俾狗食.
    你這個好用嗎!重不重?

    回覆刪除
    回覆
    1. 係呀,第一代壓力煲原來係冇安全措施,諗起都得人驚。。。
      呢個我未開始用呀,但係德國個網評好好,物料係好襟用好堅硬嗰啲,有啲重但係可以接受,最緊要係:超安全

      刪除