戰利品

行完舊城同馬市場，想不到竟然有戰利品帶回家。
王子對於我呢排成日買跳樓貨嘅行為非常有興趣，舊城旁邊有大型超市，反正經過，王子叫我入去教佢揾跳樓貨。
呢間大超唔錯，幾多跳樓貨喎，不過我會嚴選，只會買品質好嘅跳樓貨。
易潔煎pan一對，1隻由10歐減到 2.5歐，唔係雜嘜黎架，隻牌子係意大利嘢，made in Italy，各大百貨公司有售，本地人好似幾like。

係healthy pan呢。

有thermo point。
其實隻牌子我以前已經買過一次，中上品質，不算最好，不過2.5歐。。。實在冇乜可以投訴啦。

冇諗過星期六連生果都有收穫，約2kg提子0.55歐。

最開心係唔使錢嘅韮菜，呢種心情海外人仕可能會明白呢。
响呢度生活，韮菜唔易買到，買到嘅都唔靚，仲好貴好貴好貴好貴好貴。。。
我一直都想自己種韮菜，試過揾韮菜頭，揾唔到，買種子種，唔成功，而且需時好長。
啲韮菜好健康，又粗又長，個根生得好好，移植成功機會高。
回家後急不及待是把韮菜頭種下，更開心是，終於找到韮菜頭「供應商」啦。

剩下一大扎韮菜，晚餐用了點做冬陰功韮菜餃麵。

隔日又用了點做韮菜酥餅。