剌身任食

應承王子：幫我掘完韮菜，買多多剌身任佢食。
我好有口齒架，趁super sashimi仲有特價，又去買。

今次好大碟，除咗超頂級吞那魚刺身，仲有大帶子。

薯仔菜式在我家曝光率甚低，但係超市竟然大特價，賣1.5歐7.5kg。
7.5kg好多喎，但1.5歐又好抵喎，掙扎中。。。
跟自己說：花點心思，煮多啲不同口味，咁就唔會厭囉！就係咁， 王子幫我抬咗一袋返來。
於是，是日出現了不常見嘅日式薯仔沙律。