太平洋藍蟹

真係估佢唔到！果汁都有跳樓貨！

雖然冇我地買開嘅咁好味，但係咁平，照掃幾盒！

去西班牙超買魚，竟然連急凍太平洋藍蟹都有跳樓貨！一盒4.5歐咋。
呢類蟹我從未見過新鮮嘅，急凍嘅只有西班牙超、亞超先有。
洋超一定冇蟹賣，餐廳menu亦冇蟹食，大部份本地人係從未食過蟹架。

都好大隻。
絕對唔使同新鮮蟹比，一定冇得比！不過一盒4.5歐，仲想點呢？

是日煲粥炒麵。
王子公司有人請食下午茶，堅稱好飽，叫我預佢食幾啖麵得啦。
我俾佢跣過好多次啦，次次堅稱唔食最後狂食！即係我冇得食！
本來諗住煮2個麵餅，最後都係煮3個穩陣啲。

煲咗蟹粥。

仲有韮菜豉油皇炒麵。
用韮菜整豉油皇炒麵好香架，果位堅稱好飽嘅王子，索性全碟自己食哂。
最後我食得幾啖麵咋。