黑芝麻拔絲薯仔

是日食素，也很豐富呢！

黑芝麻拔絲薯仔嘅做法似日本嘅〝大学芋〞，亦即是拔絲蕃薯，係一個日本甜品小吃。
用得糖越多，拔絲越勁；用得油越多，表面越令立立。
我只想食少油少甜就夠啦。
因為屋企有薯仔，就用佢代替蕃薯。
我喜歡佢外面包住一層脆卜卜焦糖脆皮，焦糖沾滿已炒香嘅黑芝麻，但係佢嘅內心係軟綿綿，有啲似食蕃薯。
越多黑芝麻越好食，我要不斷灑黑芝麻呢。
王子偷吃了一塊之後便說不要給他盛飯 ，他要吃薯仔。。。

買到小靑瓜，又整泡菜。

韮菜頭有點收成啦，用黎煎蛋餅。

剝咗兩條新鮮粟米，整咗辣炒粟米。

黑芝麻拔絲薯仔


食譜:

材料﹕
中薯仔5個
黑芝麻適量
油1-2湯匙


調味:
糖2-3湯匙
豉油1/3湯匙 


黑芝麻用白鑊炒香，薯仔切件浸水，
易潔鑊內加入油及糖， 薯仔去水(但不要全乾，薯仔表面要濕)，
加入薯仔，加蓋， 用中火煎至出現啪啪聲，等3分鐘，
小心用筷子翻一翻薯仔，加蓋， 等3分鐘，重覆步驟約3-4次，
用竹籤檢查薯仔是否夠淋， 
開蓋，用中大火煎至薯仔出現焦糖脆皮，灑上豉油，小心用筷子翻幾下，再灑上黑芝麻。


用蕃薯、連皮新薯整都好好味架！