純釀廚餘靑檸檬醋

去土超，發現靑檸檬有跳樓貨，兩包共2.5kg，2歐咋。
仲要係有機同冇蠟。
是日先用1kg渣汁，渣了一大樽呢，剛剛遇上啱啱，王子一回家，跟我說他作感冒了！
靑檸檬汁大派用場呢。

剩下大量靑檸檬廚餘，千萬不要丟，勁多用途架，最簡單便是入雪櫃吸味。
其實亦可用來做洗潔精、清潔劑、醃咸檸檬都得架。
我今次打算整純釀靑檸檬醋。一般超市賣嘅醋都係速釀再加入酸劑，無害架不過冇咁香。
純釀醋可以到專門店買，100ml大概3-4歐。
講講做法吧，靑檸檬洗淨抹乾水，先渣汁，乾淨玻璃樽內加入靑檸檬廚餘、水及糖，1公斤水約加入80-100g糖，加入靑檸檬拌勻，蓋上布或廚紙，用橡筋紮起，放在室溫陰暗處。
玻璃樽不要注得過滿， 每日用筷子攪拌幾次，以免發霉，呢個步驟好重要。
如果你買果啲檸檬有蠟又想去咗佢，可以用熱水(水龍頭出果啲咁熱已經ok)+少少泡打粉，浸浸啲檸檬再用擦擦啲檸檬一會，再過水就ok啦 。

約1-2星期後，會出現好多泡泡，這是第一次發酵。
當泡泡開始減少，便可隔去靑檸檬，液體倒回樽內，蓋上布或廚紙，用橡筋紮起，進行第二次發酵。
每日用筷子攪拌幾次，以免發霉。
直到見到酵母嘅出現，你會見到一層薄膜，便不要再用筷子攪拌，讓它安安靜靜，更多酵母便會長出來。

底部沉澱物也出現了，是果屑。

數天後，酵母更多。

底部沉澱物也更多了。

之後讓它安靜休息，直到一天，你發覺，廚房有一股帶果香嘅醋味。。。
我的醋還未到我想要嘅熟成程度，有收成再跟大家分享。