西式海鮮濃湯配海鹽乳酪芝麻pull-apart rolls

星期天中午，有湯有包做午餐。

現在一天之中，大部份時間室外只有幾度，做低温發酵麵包嘅好時機。
最近很愛做pull-apart rolls，是日做了海鹽乳酪芝麻味。
1.4kg麵粉，做了49個迷你包，全手搓，都幾多運動。

用了大量雙色芝麻及少許海鹽做裝飾，好看之餘，包也好吃。

用了2.5kg海鮮，做了西式海鮮濃湯。
其實，也不完全是海鮮啦，家中有個鱘龍魚頭，用它煲個魚湯，加了一半做海鮮濃湯湯底。

喝不完嘅白酒用來做這一個湯，好味又不浪費。
香港黃昏時份，街市一份份嘅平價海鮮最適合做這湯，買幾盤不同嘅平價海鮮，已經有一大鍋湯，而且煮嘅時間又短，很快有得食。
中式魚湯我會有點抗拒，大概是童年陰影，總覺腥。
西式魚湯卻沒有腥味！我最喜歡！

煮西式海鮮濃湯，要有不同海鮮在內，每樣少少最好味。
單一海鮮煮出來嘅湯，沒有這效果的。
今次海鮮有蝦、蟹、魷魚、靑口，仲有鱘龍魚。
蕃茄呢，最好混合罐裝蕃茄/茄膏及新鮮蕃茄，我今次用了茄膏、車厘茄及新鮮蕃茄。
還有，水不能太多，多了湯會淡，做不了濃湯效果。
成功嘅西式海鮮濃湯應該是：喝的時候，有濃濃嘅海洋氣息，喝完了，海鮮味久久在口腔內不散。
美中不足是：我忘了買番茜喔。。。


西式海鮮濃湯


材料﹕ 
海鮮2kg
蒜泥2湯匙
大蕃茄粒400g 
車厘茄200g切半
茄膏4湯匙
意大利香草1-2湯匙
白酒2杯
水1-2杯


調味:
海鹽適量
黑椒碎1/4茶匙


用少許橄欖油炒香蒜泥及意大利香草，加入茄膏炒香，
加入海鮮炒香，加入蕃茄粒、車厘茄炒香，加入白酒、黑椒碎及水，煮滾，細火煮20分鐘，
試味， 再加入適量海鹽。



吃前加入番茜碎，會更好喔。