再黎鱘龍記

條鱘龍幾大架，屋企兩個人，一餐一定食唔哂。
所以，仲有一餐食。

買魚時，魚佬提我，千祈唔好丟個魚頭，因為鱘龍魚頭煲湯好好味。
咁加少少藥材、豬骨煲個老火湯啦，真係好神奇，成個魚頭都煲溶咗，唔見咗，去哂啲湯度！據說個湯好滋補養顏喎。

網上說鹽酥鱘龍骨腩好正，我極少炸嘢，為咗試，非炸不可！
整咗摩洛哥香料鹽酥鱘龍骨腩，鱘龍啲骨係軟骨，炸完成啫喱、半軟骨狀態，加上脆魚皮、滑魚肉，一舊魚三種口感，好味！

另一味係炒七彩蔬菜。

鱘龍都幾好食，一魚四食，王子最愛清蒸，叫我再買俾佢食。
不過我都係覺得清蒸嘅話，龍躉好味啲囉，反而炸鱘龍骨腩真係好好食。