自家製雲吞皮

其實一早已經買好材料，試試挑戰整雲吞皮。
一拖再拖，終於冇試整。
是日天氣極惡劣，好想食一大碗雲吞湯。
咁。。。開工試整啦。用咗高筋spelt flour(斯佩耳特小麥粉)整，有益啲！

第一次整，有啲鷄手鴨腳，部製麵機控制得麻麻，功多藝熟，多啲做應該會好啲又快啲。

整咗兩批，一批入冰格遲啲用，試下得唔得。
另一批即食。

家中韮菜有收成 ，可以整韮菜雲吞。
我包雲吞時，王子說韮菜勁香，是呀，我有好好照顧佢地架，即割即食夠新鮮。
葱也是由盆送到餐桌，麻辣油是我早陣子做嘅。

外面大風大雨，在家吃着一大碗雲吞湯，已經是幸福。