檸檬迷迭香海鹽

用攪拌器打碎乾檸檬皮，倒出乾檸檬皮後，攪拌器內沾滿了乾檸檬皮屑。

我真係超慳家，這一點點留在攪拌器內嘅乾檸檬皮屑已經好夠香味，足夠我做天然調味料。
這次做了檸檬迷迭香海鹽。如果你買開呢類調味料，應該知道它的市售價係頗高架。
攪拌器內沾滿了乾檸檬皮屑，不要清洗，加入幾枝新鮮迷迭香，150g海鹽，再攪一陣，便完成。
當然用其他香草也可以啦，用粗海鹽整會靚啲，街外買啲禮盒裝通常用粗海鹽/粗石鹽架。
不過幼海鹽方便我煮餸，用黎醃鷄、醃豬扒都唔錯呢。
你可以隨自己喜愛改變鹽嘅顏色，多啲檸檬，鹽會黃啲，多啲迷迭香，鹽會綠啲。

因為我反正要做乾檸檬皮 ，所以一次過做兩樣，費事洗多次攪拌器。
如果你用新鮮檸檬皮 ，其實唔使等檸檬皮吹乾，照整可也，因為鹽會吸乾啲檸檬皮。

做好之後，放在密封容器，放幾日先再用，等啲鹽吸吸啲香氣，效果會更好呢。