土耳其油飯

答應blog友路霸會寫寫土耳其油飯嘅做法。
土耳其油飯响我心中，是十分奇異嘅美食，因為佢明明係素食，但吃起來卻似鷄
油飯，連王子也嘖嘖稱奇。
對愛吃鷄油飯嘅素食朋友，是必學呢。
先介紹材料：米形嘅pasta，呢個食材，間間土超都有。

如果冇呢隻米形pasta，可以用字母粉、小星星粉，或者折斷嘅天使麵代替。
呢個材料十分重要，佢會令個飯有肉香之外，又有裝飾作用。
另一材料是土耳其米，是那種圓圓類似珍珠米。
我屋企冇買土耳其米，用韓國米咁代替。
最後一種重要材料是牛油。

加上特別煮法， 材料簡單卻十分美味嘅土耳其油飯，誕生了！



土耳其油飯



材料﹕ 
珍珠米200g
米形粉/字母粉/小星星粉30g
橄欖油1 1/2湯匙
牛油30g
水適量



調味: 
鹽1/2湯匙  




珍珠米用水浸1小時， 隔去水，
燒熱易潔鍋，加入橄欖油，再加入米形粉，用中小火炒至啡色，
加入鹽，再加入牛油，見牛油溶起泡，加入珍珠米略炒，再加入適量水， 
用中小火煮至米收水，熄火再焗10分鐘。


土耳其做法是類似risotto，不洗/浸米的！不過我不習慣呢。
若你不洗/浸米，加多點水煮長啲時間也可以。