鹽焗魚、蕃茄滑蛋牛肉

某日去了西班牙超買嘢，見到鮮魚又買咗。
我度買鮮魚要自己劏同打鱗架。其中一樣係海烏頭，用黎整鹽焗魚。

蕃茄滑蛋牛肉，王子見親都笑哂，佢最鐘意呢個汁撈飯。

鹽焗海烏頭。
請人食飯，呢個餸一流，賣相好勁但其實好簡單，完全唔使理佢，可以專注煮其他嘢。
最緊要係失敗機會超低呢！

當魚熟時，你是會知道的，因為魚香會跑出來告訴你呢。
焗起之後要將外殼敲碎。

鹽焗魚只需要劏唔需要打鱗，連皮揭開便可以食。

呢個中西式食法都得。
我今次唔中唔西，做了越式辣汁點魚食。

條魚肉質麻麻，no good!
不過我鐘意呢個食法呀，鱸魚我試過超good，下次要試下鹽焗其他魚呢！

鹽焗魚

食譜:

材料﹕
魚一條只劏不打鱗(烏頭、鱸魚、三文魚、立魚都適合)
月季葉約9塊
檸檬半隻切片
迷迭香/刁草/金不換適量

調味:
粗鹽及幼鹽各半，大量(要視乎條魚嘅大細)
胡椒碎少許


預熱焗爐至200度，
魚洗淨抹乾水，
加少許水入鹽，拌勺， 焗盤上鋪上錫紙，
將一層鹽鋪上錫紙上，鋪上部份月季葉、胡椒碎及香草，
再鋪魚在鹽上， 魚肚內放入檸檬、部份月季葉及香草，
魚上再鋪上部份月季葉、胡椒碎及香草，再鋪一層鹽，尾及頭不用鋪鹽，
用200度焗30-45分鐘，視乎條魚嘅大細。